14.09.2026 | 17:57
Կրեմլը ողջունել է Կիևին ուղղված Թրամփի կոչը՝ դադարեցնել ՌԴ-ի տնտեսական ենթակառուցվածքների վրա հարձակումները
Ադրբեջանի քաղաքացին հանձնվել է ՀՀ սահմանապահներին, որ Ադրբեջանում չդատվի. ԱԱԾ-ն չի մեկնաբանում
Քաղաքականություն
27.03.2020 | 19:02
Factor.am-ի տեղեկություններով՝ 2020 թվականի մարտի 12-ին Ադրբեջանի քաղաքացի է հատել հայ-ադրբեջանական սահմանը: Ըստ մեր աղբյուրների՝ սահմանախախտը շուրջ 47 տարեկան տղամարդ է, քաղաքացիական անձ:
Մեր աղբյուրների փոխանցմամբ՝ Ադրբեջանի քաղաքացին սահմանը լքել է՝ քրեական պատասխանատվությունից խուսափելու նպատակով։ Ադրբեջանի քաղաքացին սահմանը հատել է Հայաստան-Ադրբեջան սահմանագծի Գեղարքունիքի մարզի Արտանիշ գյուղի ուղղությամբ, և ինքնակամ հանձնվել սահմանապահներին։
Ազգային անվտանգության ծառայութունն այս թեմայի հետ կապված մեր մի շարք հարցերին ի պատասխան՝ փոխանցել է. «Պահանջվող տեղեկությունը «Տեղեկատվության ազատության մասին» ՀՀ օրենքի 8-րդ 1-ին մասի, 3-րդ կետի չի կարող տրամադրվել, քանի որ այն պարունակում է հրապարակման ոչ ենթակա նախնական քննության տվյալներ»:
ԱԱԾ-ի փոխանցված պատասխանից կարելի է ենթադրել, որ իսկապես Ադրբեջանի քաղաքացին հատել է ՀՀ սահմանը և իրականացվում է քննություն:
Նարեկ Կիրակոսյան
