Զինծառայության օրինագծի մասին մեր մտահոգությունը տեղափոխվեց անձնական հարթակ, ու դա արվեց ՊՆ նախարարին ոչ հարիր դրսևորմամբ. Գ. Գորգիսյան

Նախնական քննարկում կոչվածը այն էր, երբ Վիգեն Սարգսյանը եկավ «Ելք» խմբակցություն և ընդամենը ներկայացրեց «Ես եմ» և  «Պատիվ ունեմ» ծրագրերը. այս մասին լրագրողների հետ զրույցում ասաց «Ելք» խմբակցության քարտուղար Գևորգ Գորգիսյանը՝ անդրադառնալով ԱԺ-ում Վիգեն Սարգսյան-Նիկոլ Փաշինյանին երկխոսությանը:

Հիշեցնենք, որ ԱԺ-ում զինվորական ծառայության և զինծառայողների կարգավիճակի մասին օրենքի նախագծի քննարկմանը Վիգեն Սարգսյանին հարց ուղղեց ԱԺ «Ելք» խմբակցության ղեկավար Նիկոլ Փաշինյանը, թե՝ երբ արտահայտվում եք, թե բոլոր խմբակցություններից օրենքի նախագծի վերաբերյալ ունենք դրական արձագանքներ, պետք է պարզել՝ էդ տպավորությունները ի՞նչ սկզբունքով եք ստանում:  Նախարարն էլ պատասխանեց. «Պարոն Փաշինյան, ես եկել էի ձեր ֆրակցիա, որպեսզի լսեմ ձեր մտահոգությունները: Ես ձեզանից մտահոգություն չեմ լսել այն ժամանակ»: 
Ապա Գևորգ Գորիսյանը ներկայացրեց, որ երբ սկսվեցին հանրային քննարկումները, իրենք «Պաշտպանույթան մասին» օրենքին առաջարկություն ունեին ներկայացված, որը մերժվեց, չնայած, որ այն բանակին նպաստող կետեր էր պարունակում իր մեջ: «Իսկ մեր հետագա առաջարկները պետք է ձևակերպվեին քննարկման հարցուպատասխանի ժամանակ, որ մենք կարող էինք ունենալ ԱԺ-ում: Բայց մեր հնչեցրած բոլոր մտահոգություններին, մենք ոչ ադեկվատ և ագրեսիվ պատասխանների ականատես եղանք, հարցը տեղափոխվեց անձնական հարթակ և պաշտպանության նախարարին ոչ հարիր դրսևորմամբ այդ ամենն արվեց»,- ասաց պատգամավորը:
 

Մանրամասները՝ տեսանյութում: