06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
Ինչպե՞ս կարող էր Բիլ Գեյթսը 2015-ին կանխագուշակել կորոնովիրուսը․ ՏԵՍԱՆՅՈՒԹ
23.03.2020 | 21:43
Ամերիկյան լրատվամիջոցները վերջին օրերին տարածում են 2015 թվականին արված մի տեսանյութ, որտեղ «Մայքրոսոֆթ» ընկերության համահիմնադիր Բիլ Գեյթսը խոսում է համաճարակային բռնկման ու դրա հնարավոր վտանգերի մասին։
2015-ի TED համաժողովին ունեցած ելույթում Բիլ Գեյթսն ասում է, որ մարդկությունն ավելի շատ ներդրում է արել միջուկային զենքերի զարգացման մեջ, քան համաճարակը դադարեցնող համակարգի։
«Մի բան, որն առաջիկա տասնամյակում 10 միլիոն մարդու մահվան պատճառ կդառնա, ոչ թե պատերազմն է կամ միջուկային զենքը, այլ հզոր վարակի տարածում ունեցող վիրուսը։ Մենք պատրաստ չենք հաջորդ համաճարակին»,- ասել է Գեյթսը։
Երկու տարի անց՝ Դավոսում ունեցած հարցազրույցում նա կրկնել է իր խոսքերը․ «Շատ զարմանալի է՝ որքան քիչ պատրաստվածություն կա հաջորդ համաճարակի համար»։
Այսօր աշխարհում հայտարարված է պանդեմիա: Նոր կորոնովիրուսի վարակակիրների թիվն անցել է 360 հազարը, իսկ մահացություններինը՝ 15 հազարը։ Բիլ և Մելինդա Գեյթերի հիմնադրամը 100 մլն դոլար է հատկացրել կորոնավիրուսի դեմ պայքարին։ Այն նաև փորձում է նոր կորոնավիրուսի դեմ պատվաստանյութ գտնել:
Մանրամասները՝ տեսանյութում։
Նելլի Մելքոնյան
