01.10.2026 | 16:06
Էստոնիան արգելել է ռուսական և բելառուսական հացահատիկի տարանցումն իր տարածքով
Օլիմպիական խաղերն ամբողջությամբ չեղարկելու տարբերակ չի քննարկվում. Տոսիրո Մուտո
23.03.2020 | 17:57
2020 թվականի Օլիմպիական խաղերի ճապոնական կազմկոմիտեի գործադիր տնօրեն Տոսիրո Մուտոն հայտարարել է, որ Օլիմպիադան ամբողջությամբ չեղարկելու տարբերակը չի դիտարկվում: Այս մասին գրում է ՌԻԱ Նովոստին:
«Քննարկվելու են տարբեր սցենարներ: Լիարժեք չեղարկման տարբերակը չի դիտարկվում»,- ընդգծել է նա:
Մուտոն նաև շեշտել է, որ Օլիմպիական խաղերի անցկացման հետ կապված վերջնական որևէ որոշում դեռ չի ընդունվել:
2020 թվականի Օլիմպիադան ամռանը Տոկիոյում անցկացնելու հնարավորությունը հարցականի տակ է՝ կապված աշխարհում կորոնավիրուսի համաճարակի հետ: Նշենք, որ վերջին տվյալներով՝ Ճապոնիայում վիրուսով վարակման 1.102 դեպք է արձանագրվել՝ չհաշված 712 անձանց, որոնք վարակվել են Diamond Princess զբոսանավի վրա:
Միաժամանակ, «Կիոդո» գործակալության փոխանցմամբ, Ճապոնիայի վարչապետ Սինձո Աբեն կասկած է հայտնել, որ վարակի տարածման ֆոնին հնարավոր է 2020 թվականի ամառային Օլիմպիական խաղերի անցկացումը Տոկիայում:
Մինչ այդ, մի շարք երկրներ, այդ թվում՝ Կանադան և Ավստրալիան, արդեն հայտնել են այս տարվա ամռանը Օլիմպիադային պատվիրակություններ չուղարկելու մասին: Ավստրալիայի օլիմպիական կոմիտեից հայտնել են, որ չեն կարողանա թիմ հավաքել՝ հուլիսին Տոկիո ուղարկելու համար, և պատրաստվում են Խաղերը մեկ տարի անց անցկացնելուն:
