27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Օլիմպիական կրակն Աթենքից Տոկիո հասավ
20.03.2020 | 11:28
2020-ի Տոկիոյի ամառային 32-րդ Օլիմպիական խաղերի կրակը Հունաստանի մայրաքաղաք Աթենքից հասավ Ճապոնիայի մայրաքաղաք Տոկիո: Այս մասին հայտնում է Associated Press-ը:
Օլիմպիական կրակի փոխանցման հանդիսավոր արարողությունը տեղի է ունեցել երեկ՝ Աթենքի «Պանաթենայիկ» մարզադաշտում՝ առանց հանդիսատեսի: Դրանից հետո հատուկ այդ նպատակով Աթենք մեկնած օդանավը բերել է կրակը: Օդանավը վայրէջք է կատարել ճապոնական ռազմաօդային բազաներից մեկում, որտեղ էլ տեղի է ունեցել հանդիսավոր արարողությունը:
«56 տարում առաջին անգամ օլիմպիական կրակը գալիս է Տոկիո, և ես հուսով եմ, որ շատերի համար այն կլուսավորի հույսի ճանապարհը», – ասել է Օլիմպիական խաղերի կազմակերպչական հանձնաժողովի նախագահ Յոշիրո Մորին:
Նելլի Մելքոնյան
