22.01.2026 | 17:27
Ջոկովիչը մտածում է «Մեծ սաղավարտի» 25-րդ տիտղոսի մասին․ «Հավատում եմ իմ ուժերին»
Տիգրան Մուկուչյանը՝ նոյեմբերի 5-ին կայանալիք ընտրությունների մասին
Քաղաքականություն
01.11.2017 | 16:00
Հանրապետության 69 համայնքում ընտրություններ են լինելու, որոնցից 3-ում համայնքի ղեկավարի արտահերթ ընտրություն է լինելու, իսկ 34-ը խոշորացված համայնքներն են: Այս մասին այսօր ԱԺ-ում լրագրողների հետ զրույցում հայտարարեց ԿԸՀ նախագահ Տիգրան Մուկուչյանը՝ անդրադառնալով նոյեմբերի 5-ին կայանալիք ՏԻՄ ընտրություններին:
«Քվեարկությունը կազմակերպվելու է նոր Ընտրական օրենսգրքի կանոնակարգումների համաձայն, ինչը նշանակում է, որ տեղամասային կենտրոններում գրանցումը կիրականացվի տեխնիկական սարքավորումների օգնությամբ: Ընտրությունների օրը տեղամասային ընտրական հանձնաժողովներում կգործի 800-ից ավել սարքավորում, որոնց միջոցով կկատարվի ընտրողների գրանցում, այսինքն՝ նույն եղանակով, ինչ Ազգային ժողովի ընտրությունների ժամանակ»,- նշեց Մուկուչյանը՝ տեղեկացնելով նաև՝ օգտագործվելու են տեխնիկական սարքավորումները:
Factor.am-ի հարցին՝ ուղիղ հեռարձակում լինելո՞ւ է, Մուկուչյանն ասաց, որ ոչ:
ԿԸՀ նախագահի գնահատմամբ՝ ընտրություններն ակտիվ կանցնեն, որովհետև որոշ համայքներում առաջադրվել են մեկից ավելի թեկնածուներ:
«Սա ենթադրում է, որ բավականին մեծ ակտիվություն կլինի: Միաժամանակ, պետք է նկատել, որ շատ են եղել առաջադրումներն ավագանու անդամի թեկնածուների հետ կապված՝ մոտ 900 թեկնածու, ինչը նշանակում է, որ յուրաքանչյուր ավագանու թեկնածու ունի իր էլեկտորատը: Ենթադրում եմ` համայնքների հիմնական մասում ակտիվ ընտրություններ կլինեն»,- հավելեց Մուկուչյանը:
Մանրամասները՝ տեսանյութում:
