02.10.2026 | 13:33
Հարավային Կորեան «միջոցներ կձեռնարկի», եթե Կիևը ներողություն չխնդրի գերիների շուրջ սկանդալի պատճառով
Արցախում Նոր կորոնավիրուսի դեպքեր չկան. իրականացվում են կանխարգելիչ միջոցառումներ
13.03.2020 | 20:26
ԱՀ նախագահի մոտ տեղի ունեցած ընդլայնված խորհրդակցությունից հետո այս մասին «Արցախպրես»-ի թղթակցի հետ զրուցյում ասել է ԱՀ առողջապահության նախարար Արայիկ Բաղրյանը:
Նրա խոսքով՝ մինչ այժմ Արցախից Երևան ուղարկված նմուշների բոլոր պատասխանները բացասական են. հանրապետությունում Նոր կորոնավիրուսի դեպքեր չկան:
«ԱՀ նախագահ Բակո Սահակյանը ստեղծված օպերատիվ շտաբի ներկայացուցիչներիս հանձնարարականներ է տրվել, որպեսզի շարունակենք շուրջօրյա աշխատանքների իրականացումը: Ամենակարևորն այն է, որ ըստ համաշխարհային առողջապահության կազմակերպության նորմերի՝ անհրաժեշտ միջոցներով համալրենք ոչ միայն առողջապահական համակարգը, այլև համապատասխան ախտահանիչ նյութեր, հեղուկներ և պաշտպանիշ պարագաներ տրամադրենք գերատեսչություններին»,-մասնավորապես ասել է նախարարը:
Խոսելով անցակետերում տարվող աշխատանքների մասին՝ Ա. Բաղրյանն ասել է, որ այսուհետ ևս շարունակվելու է շուրջօրյա հերթապահության իրականացումը: ԱՀ ոստիկանության հետ պայմանավորվածության արդյունքում էլ ավելի են խստացվելու անցակետերի աշխատանքները:
