25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Բակո Սահակյանը պետական պարգևներ է հանձնել ԱԻՆ-ի մի խումբ ծառայողների
30.10.2017 | 16:28
Արցախի Հանրապետության Նախագահ Բակո Սահակյանը հոկտեմբերի 30-ին մասնակցել է Արտակարգ իրավիճակների պետական ծառայության աշխատակցի օրվան նվիրված հանդիսավոր միջոցառմանը:
Ինչպես տեղեկացնում են ԱՀ նախագահի աշխատակազմի տեղեկատվության գլխավոր վարչությունից, նախագահը պետական պարգևներ է հանձնել համակարգի մի խումբ ծառայողների և հանդես եկել ելույթով:
Իր խոսքում Բակո Սահակյանն ընդգծել է, որ համակարգի առջև դրված են կարևոր խնդիրներ, և դրանց հաջող ու արդյունավետ լուծումը կառույցի ղեկավարներից ու ողջ անձնակազմից պահանջում է պատասխանատու մոտեցում և ամենօրյա քրտնաջան աշխատանք:
«Ծառայությունն ունի անհրաժեշտ ներուժ, պատրաստված ու արհեստավարժ, գործին նվիրված աշխատակիցներ, ովքեր ի վիճակի են պատշաճ մակարդակով իրականացնել իրենց գործառույթները»,- նշել է երկրի ղեկավարը, հավելելով, որ պետությունը այսուհետ ևս կշարունակի միջոցներ ձեռնարկել՝ ուղղված ծառայության աշխատակիցների աշխատանքային և սոցիալական պայմանների բարելավմանը:
