17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
«Խլրտոցներ չլսեմ». Ազգային ժողովում կրքերը թեժացան. ՏԵՍԱՆՅՈՒԹ
Քաղաքականություն
05.03.2020 | 13:23
ԱԺ այսօրվա նիստում «Իմ քայլը» խմբակցության պատգամավոր Գևորգ Պապոյանի ելույթի ժամանակ կրքերը թեժացան։ Պատգամավորը, շեղվելով օրակարգից, անդրադարձավ «Լուսավոր Հայաստան» խմբակցության ղեկավար Էդմոն Մարուքյանի մարտի 4-ի ելույթին:
«Էդմոն Մարուքյանը, խիստ սրտնեղելով որոշակի անձանց ապօրինի գույքի բռնագանձման հեռանկարից, ընկավ հուզական պոռթկման մեջ և ինձ մեղադրեց 18 տարեկանում Հանրապետականին անդամակցելու համար՝ նշելով, թե բա կոռուպցիայի հետ կապված այդ հարցերը ինչի՞ չէիք բարձրացնում։ Հատուկ ասեմ, որ չէի կարող բարձրացնել, քանի որ, ի տարբերություն իրենց, ոչ մի կապ չեմ ունեցել Սերժ Սարգսյանի իշխանության հետ…»,- ասաց Պապոյանը:
Ելույթի ընթացքում դահլիճում աղմուկ բարձրացավ, ինչին պատգամավորը արձագանքեց. «Խլրտոցներ չլսեմ, հանգստացեք, թուլացեք և վայելեք»։
ԱԺ փոխխոսնակ Վահե Էնֆիաջյանը փորձեց կարգի հրավիրել տեղից արձագանքող պատգամավորներին. «Հարգելի՛ ընկերներ, պահպանեք դահլիճում աշխատանքային մթնոլորտը»։
Մանրամասները՝ տեսանյութում:
