10.09.2026 | 14:02
Գագիկ Խաչատրյանին դարձյալ պատգարակով դատարան էին բերել․ ՏԵՍԱՆՅՈՒԹ
Ապրիյան պատերազմում զոհված հերոսների ընտանիքներն իրենց անտեսված են զգում
Հասարակություն
27.10.2017 | 17:19
«Ապրիլյան դեպքերից հետո մեր գործունեությունն ամբողջությամբ նվիրվեց զոհված տղաների ընտանիքներին: Այժմ մեր կազմակերպությունը բարեկամական կապերի մեջ է 75 ընտանիքի հետ, այսինքն՝ ամեն օր տեսնում և քննարկում ենք այն խնդիրները, որոնք ունեն այդ ընտանիքները»,- այս մասին այսօր լրագրողների հանդիպմանն ասաց «Արշակ Դաբաղյանի անվան Մայր Մանե» ՀԿ նախագահ Մանուշակ Ստեփանյանը:
Բանախոսի խոսքով՝ Ազգային ժողովում քննարկվող «Զինծառայության և զինվորական կարգավիճակի մասին» օրինագծի քննարկումն ավելի է բորբոքել առկա խնդիրները:
«Շատ ընտանիքներ ունեին երկու որդիներ, որոնցից մեկը զոհվել է: Այսօր նրանց ընտանիքում մնացել է մեկ որդի, որի հետ կապում են իրենց բոլոր հույսերը»,- ասաց Մանուշակ Ստեփանյանը՝ ցավով նշելով, որ այսօր շատ զինծառայողների ընտանիքներ այժմ անտեսված են պետության կողմից:
Բանախոսներից ապրիլյան պատերազմում զոհված Արամայիս Միքայելյանի մայրն էլ հայտարարեց. «Պաշտպանության նախարարությունն անընդհատ օրենքներ է փոխում: Ես՝ որպես մայր մտավախություն ունեմ, չսխալվեն պետական մարմիններն ու իմ դուռը թակեն՝ երկրորդ տղայիս համար: Չունեմ երկրորդ որդի բանակին տալու»:
Մանրամասները՝ տեսանյութում:
