03.06.2026 | 17:06
Ոչ կենցաղային սպառողների գազի հաշվիչները կտեղադրվեն «Գազպրոմ Արմենիա»-ի հաշվին
Քենեդու սպանության վարկածին էլ չեն հավատում. Արմեն Ռուստամյանը՝ Հոկտեմբերի 27-ի կազմակերպիչների մասին
Քաղաքականություն
27.10.2017 | 12:16
Արտաքին ուժերի միջամտությունը Հոկտեմբերի 27-ի ոճրագործությանը բացառված չէ: Այս մասին այսօր ԱԺ-ում լրագրողների հետ զրուոյցում ասաց ԱԺ ՀՅԴ խմբակցության ղեկավար Արմեն Ռուստամյանը։
«Ես միշտ ասում եմ, որ որևէ բան չի կարելի բացառել, որովհետև եթե որևէ բան հատկապես՝ քրեական գործի հետ կապված բացառում ես, դա նշանակում է, որ լավ տիրապետում ես բոլոր մանրամասներին: Քանի ամբողջությամբ չի բացահայտվել և լիարժեք համոզում չի առաջացել, ես որևէ այդպիսի վարկած չեմ կարող բացառել»,- ընդգծեց ՀՅԴ խմբակցության ղեկավարը:
Factor.am-ի հարցին, թե համակարծի՞ք է Արա Բաբլոյանի հետ, որ Հայաստանի զարգացման մեջ էական փոփոխություն չէր լինի, եթե Հոկտեմբերի 27-ը չլիներ, Արմեն Ռուստամյանն ասաց. «Ես կարծում եմ, որ դա մեծ հարված էր Հայաստանին, երկար ժամանակ պահանջվեց, որպեսզի մենք ապաքինվենք, ոտքի կանգնենք, դա արդեն ետ գցեց մեր երկրի զարգացումն էլ մնացած բոլոր ծրագրերն էլ: Այդ օրերին իրոք կար համախմբում՝ առնվազն երկու անձի շուրջ՝ Կարեն Դեմիրճյանի և Վազգեն Սարգսյանի»:
Արմեն Ռուստամյանը համոզված է՝ եթե թիմը մնար, դրական արդյունքներ կլինեին:
Մանրամասները՝ տեսանյութում:
