10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Հոկտեմբերի 27-ը երկրի զարգացման որակի մեջ բան չի փոխել. ԱԺ նախագահ
Հասարակություն
27.10.2017 | 11:44
Հոկտեմբերի 27-ի ոճրագործությունը քաղաքական որևէ հիմք չունի, համոզված է Ազգային ժողովի նախագահ Արա Բաբլոյանը:
«Այն, ինչ տեղի ունեցավ, մեր բոլորի ողբերգությունն է։ Այսօր հիշատակի օրն է, որը միշտ պետք է զգոն պահի մեզ, որ հանդուրժող լինենք և հարգենք այն ամենը, ինչ ստեղծել են դարերով մեր պապերը՝ տալով մեզ երկիր, և այսօր մենք պետություն ենք ստեղծել, որը պիտի կարողանանք ճիշտ կառուցել և առաջ տանել», – ասաց Արա Բաբլոյանը:
Factor.am-ի հարցին՝ Հոկտեմբերի 27-ը բացահայտված համարո՞ւմ է, ԱԺ նախագահը պատասխանեց. «Իհարկե, մեզ թվում է, թե դա բացահայտված չի, բայց բացահայտված են մարդիկ, որոնք դա իրականացրել են»:
Ինչ վերաբերում է հարցին՝ եթե Հոկտեմբերի 27-ը չլիներ Հայաստանն ինչպե՞ս կզարգանար, Բաբլոյանը նկատեց. «Իշխանությունը կարողանում է զարգացնել այնպես, ինչպես ժողովուրդը նրան վստահում է և այդ առումով չեմ կարծում, որ տատանումները շատ մեծ լինեին և տարբերությունը մեծ լիներ։ Մենք ունենք դանդաղ, բայց հստակ առաջընթաց և այդ ամենը տարբեր ֆակտորներով է բացատրվում։ Ուղղակիորեն ասել, որ մենք կունենայինք այլ որակի Հայաստան, համոզված եմ, որ ոչ»։
Հիշեցնենք՝ 1999-ի հոկտեմբերի 27-ին Ազգային ժողովում սպանվեցին՝ ԱԺ նախագահ Կարեն Դեմիրճյանը, վարչապետ Վազգեն Սարգսյանը, Աժ փոխնախագահներ Յուրի Բախշյանն ու Ռուբեն Միրոյանը, օպերատիվ հարցերով նախարար Լեոնարդ Պետրոսյանը, պատգամավորներ՝ Միքայել Քոթանյանը, Հենրիկ Աբրահամյանը, Արմենակ Արմենակյանը։
Մանրամասները՝ տեսանյութում:
Շողիկ Գալստյան
