30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
ԵՄ-ի աջակցությամբ կոռուպցիայի դեմ պայքարն ավելի կինտենսիվացնենք. Վահրամ Բաղդասարյան
Տեսանյութեր
26.10.2017 | 15:28
«Ասոցացման պայմանագրի չստորագրումից և ԵՏՄ-ի անդամակցությունից հետո մտավախություն կար, որ ՀՀ-ԵՄ հարաբերությունները խիստ կվատանան, բայց այս ժամանակահատվածում ԵՄ-ի հետ մենք ընդհանուր առմամբ շրջանառության մեջ 35.2 տոկս աճ ունեցանք, ինչը հակառակն է փաստում»,- այս մասին այսօր լրագրողների հետ զրույցում ասաց ՀՀ ԱԺ ՀՀԿ խմբակցության ղեկավար Վահրամ Բաղդասարյանը։
Բաղդասարյանը վստահեցրեց, որ Հայաստան-ԵՄ առաջիկայում ստորագրվելիք համաձայնագրում որևէ վտանգավոր կետ չկա: Ինչ վերաբերում է ընդդիմադիրների այն մտավախություններին, որ համաձայնագիր ստորագրելն այլ բան է, դրանում գրված դրույթները կյանքի կոչելն այլ, Վահրամ Բաղդասարյանը հակադարձեց. «Բայց դուք ի՞նչ եք կարծում, ընդդիմության ներկայացուցիչն ուրիշ ի՞նչ պետք է ասի։ Ընդդիմության գործն էլ հենց դա է, որ ցանկացած լավ բան լինի, մտավախություն արտահայտեն»։
Իշխող կուսակցության պաշտոնյան նշեց՝ թեև լծված են կոռուպցիայի և մենաշնորհի դեմ պայքարի գործին, արդյունքներից, սակայն, գոհ չեն: «Վերջին տարիներին այս ուղղություններով մեծ ձեռքբերումներ ունեցել ենք, բայց դա մեզ չի գոհացրել, տեմպերը թույլ են և նման պայմանագրերը պետք է նպաստեն այդ տեմպերի ուժեղացմանը»,- հավելեց Բաղդասարյանը։
Մանրամասները՝ տեսանյութում:
