20.01.2026 | 20:37
Թուրքիայի և Սիրիայի սահմանին բախումներ են տեղի ունեցել ոստիկանության և քրդամետ ցուցարարների միջև
Նախկինում ունեցել ենք սուպերնախագահական մոդել. Մակունցը՝ կառավարման մոդելը չփոխելու մասին. ՏԵՍԱՆՅՈՒԹ
Քաղաքականություն
21.02.2020 | 15:49
ՀՀ վարչապետ Նիկոլ Փաշինյանի դիրքորոշմամբ՝ իշխանությունը չպետք է գնա երկրում կառավարման համակարգի շրջադարձային փոփոխության: Այս մասին նա ասել էր Հանրային հեռուստաալիքին տված հարցազրույցի ժամանակ:
ԱԺ «Իմ քայլը» խմբակցության ղեկավար Լիլիթ Մակունցին այսօր հիշեցրինք, թե ինչպես էր Նիկոլ Փաշինյանը նախկինում քննադատում, երբ նախագահի լիազորությունները կրճատվել էին, իսկ վարչապետինը՝ ավելացել:
«Սերժ Սարգսյանը մտածում է, որ Արմեն Սարգսյանը կարող է մի օր լուրջ վերաբերվել երկրի գլուխը լինելու իր կարգավիճակին և ասում է՝ տղեք, դավայ, թևերը կտրեք: Ներման հարցը՝ նախագահը ո՞վ է, որ ների, ես կասեմ՝ կներեն: Իրեն ասել են, որ ինքը Բաղրամյան 26-ի նախագահականում չի նստելու, իրեն մի հատ եվրոռեմոնտ թազա կվարտիրա կտան, կասեն՝ այդտեղ նստի ու շարունակի ժպտալ, իսկ մենք կանենք փոփոխությունները»,- հայտարարել էր Նիկոլ Փաշինյանը:
Անդրադառնալով հարցին՝ արդյո՞ք իրենց ընտրողներին հուսախաբ չեն անում, երբ իշխանության գալով՝ չեն կատարում այն փոփոխությունները, որոնք քննադատում էին, Լիլիթ Մակունցն ասաց. «Ցանկանում եմ ասել, որ Սահմանադրական փոփոխությունների փաթեթ է քննարկվելու, աշխատանքային խումբն արդեն ձևավորվել է, և այն հարցերը, որոնք մտահոգություն են առաջացնում, որոնք կարող ենք Սահմանադրության փոփոխությամբ լուծենք: Ինչ վերաբերում է կառավարման մոդելը փոխելուն, ես ուզում եմ ասել, որ նախկինում գործել է կիսանախագահական մոդել, բայց գործել է բացառապես սուպերնախագահական մոդել»,- ասաց նա:
Մանրամասները՝ տեսանյութում:
Նարեկ Կիրակոսյան
