06.06.2026 | 11:03
ՄԱԿ-ի Գլխավոր ասամբլեան միաձայն ընդունել է Հայաստանի ներկայացրած «Կրթություն հանուն խաղաղության» բանաձևը
«Մարզիչների որոշումները չեմ քննարկում, կատարում եմ». Արթուր Ալեքսանյանը՝ Ջուլֆալակյանի գրառման մասին. ՏԵՍԱՆՅՈՒԹ
21.02.2020 | 14:23
Ես մարզիչների որոշումը չեմ քննարկում, այլ կատարում եմ։ Այս մասին այսօր լրագրողների հետ զրույցում նշեց, ըմբշամարտիկ, աշխարհի եռակի չեմպիոն, Եվրոպայի հնգակի չեմպիոն, Օլիմպիական խաղերի բրոնզե և 2016 թվականի Ամառային Օլիմպիական խաղերի ոսկե մեդալակիր, Եվրոպական խաղերի չեմպիոն Արթուր Ալեքսանյանը՝ անդրադառնալով նախօրեին ծանրամարտիկ Արսեն Ջուլֆալակյանի այն գրառմանը, թե հունահռոմեական ըմբշամարտի հավաքականի մարզչական խորհուրդն իր քաշային կարգում (77կգ) կայացնում է ապօրինի, հակասպորտային և ոչ պրոֆեսիոնալ որոշում։
«Ով ինչ գրառում է կատարել, բան չեմ կարող ասել»,- ասաց մարզիկը։
Խոսելով վարչապետ Նիկոլ Փաշինյանի՝ 2050 թվականին օլիմպիական 25 ոսկե մեդալ ունենալու հայտարարությունից, Արթուր Ալեքսանյանը նշեց․ «Չեմ կարող ասել, թե 2050 թվականին քանի օլիմպիական չեմպիոն կունենանք, բայց վստահ եմ, որ երկուսից ավելին կլինի։ Մենք զգում ենք ուշադրությունը կառավարության, Օլիմպիական կոմիտեի և նախարարության կողմից։ Ամենակարևորն այն է, որ մարզիկները քրտնաջան աշխատեն և կունենաք լավ արդյունքներ»։
Մանրամասները՝ տեսանյութում։
Նելլի Մելքոնյան
