Ժամանակին Հռոմ գնալը երազանք էր. Բագրատյանը՝ Փաշինյանի հայտարարության մասին. ՏԵՍԱՆՅՈՒԹ

ԱԺ «Բարգավաճ Հայաստան» խմբակցության պատգամավոր Սերգեյ Բագրատյանի խոսքով՝ «Պետական գնումների մասին» օրենքն ամբողջովին պետք է փոխվի, քանի որ տարիներ շարունակ գնման գործընթացում տեղի են ունենում բազմաթիվ խախտումներ, և երկար ժամանակ հնարավոր չէր պայքարել դրա հետ կապված կոռուպցիոն դրսևորումների դեմ, քանի որ միմյանց խիստ փոխկապակցված մարդիկ էին մասնակցում պետական գնումներին:

«Մասնավորաես՝ առանձին գերատեսչություններ, ունենալով իրենց նպատակահարմար տնտեսվարողները, նախնական պայմանավորվածություն էին ձեռք բերում տնտեսվարողի հետ և ասում, որ նշված բոլոր չափանիշներին համապատասխան ապրանք ներկրեն, և մրցույթը կազմակերպում էին հենց այդ ապրանքների չափանիշներով: Այսինքն՝ ակնհայտ անհավասար պայմաններ էին ստեղծվում մյուս տնտեսվարողների համար: Ստեղծվում էր այնպիսի իրավիճակ, որ գերիշխող դիրք գրավողները դառնում են մոնոպոլներ»,- խորհրդարանում լրագրողների հետ զրույցում նշեց Սերգեյ Բագրատյանը:

Նշենք, որ այսօր ԱԺ ֆինանսավարկային և բյուջետային հարցերի մշտական հանձնաժողովը կազմակերպել էր խորհրդարանական լսումներ՝ «Պետական գնումների համակարգի հիմնախնդիրները և դրանց լուծման ուղիները» թեմայով:

Ըստ Սերգեյ Բագրատյանի՝ եթե այսօր Հայաստանը պատրաստվում է իրականացնել տնտեսական հեղափոխություն, ապա առաջին հերթին պետք է ապահովի ազատ մրցակցային պայմաններ, հարկային և մաքսային օրենսդրական փոփոխությունների հետ միասին՝ պետք է կարգավորի նաև գնումնեերի գործընթացը:

«Ես արդեն նշեցի մեկ անձից գնումներ կատարելու բազմաթիվ օրինակներ, որոնք շարունակվում են նաև այսօր: Այդ պատճառով օրենսդրությունն ամբողջովին պետք է փոխվի՝ կոռուպցիոն ռիսկերից խուսափելու համար: Այս արատավոր պրակտիկան պետք է վերացնենք, լղոզված ձևակերպումը, որ ժամանակի խնդիր ունեն, դրա համար են մեկ անձից գնում կատարում, պետք է վերցանել»,- շեշտեց Սերգեյ Բագրատյանը:

Մանրամասները՝ տեսանյութում:

Նարեկ Կիրակոսյան