03.06.2026 | 22:00
Փաշինյա՛ն, սուտ ես ասում, չկա խաղաղություն․ զավթիչը քո տարածքում է, սա պաուզա է ընդամենը․ Արթուր Խաչատրյան. ՏԵՍԱՆՅՈՒԹ
Էդ ինչ է, միայն պետական պաշտոնյաները չե՞ն ծառայել. Էդուարդ Շարմազանով
Քաղաքականություն
26.10.2017 | 11:29
Ազգային ժողովի փոխնախագահ Էդուարդ Շարմազանովն այսօր «Զինվորական ծառայության և զինծառայողի կարգավիճակի մասին» օրինագծի քննարկման ժամանակ հանդես գալով արտահերթ ելույթով հայտարարեց՝ անհրաժեշտ է տարանջատել բանակում չծառայելը դասալքությունից:
«Անընդհատ հնչում են մտքեր՝ սա չի ծառայել, նա չի ծառայել, էդ ի՞նչ է՝ միայն պետական պաշտոնյաները չեն ծառայե՞լ: Ընդդիմության շարքում չկա՞ն մարդիկ, որոնք օրենքով սահմանված կարգով ազատվել են ծառայությունից»,- ԱԺ ամբիոնից հարցադրում արեց ՀՀԿ-ական պաշտոնյան:
Ըստ Շարմազանովի՝ տարկետման իրավունքը վատ բան չէ, սակայն վստահեցրեց՝ ինքը տարկետման իրավունքից չի օգտվել: «Պաշտպանել եմ հետո, ասպիրանտուրա չեմ ընդունվել, ընդունվել եմ հայցորդ: Գուցե ազդեցիկ զանգահարող չեմ ունեցել, չեմ կարողացել, բայց որևէ զինվորական կոմիսարիատի կանչերից մի վայրկյան չեմ ուշացել»,- շարունակեց ԱԺ փոխնախագահը:
Ապա բորբոքված հորդորեց լրագրողներին և ընդդիմադիրներին հետաքննություն սկսել և պարզել՝ ինքը խուսափե՞լ է ծառայությունից , թե՞ ոչ:
Մանրամասները՝ տեսանյութում:
Շողիկ Գալստյան
