14.09.2026 | 12:28
«Տարբեր նարատիվներ կան որոշ վայրերի ծագման հետ կապված»․ ԵՄ ներկայացուցիչը՝ Արցախ այցի մասին
Վերաքննիչ դատարանում շարունակվում է Ռազմիկ Աբրահամյանի կալանքի հարցով դատական նիստը
31.01.2020 | 17:24
Վերաքննիչ քրեական դատարանը քննում է ՀՀ նախկին գլխավոր գինեկոլոգ, երեխաների ապօրինի որդեգրման գործով մեղադրյալ Ռազմիկ Աբրահամյանի խափանման միջոցի վերաբերյալ Դատախազության բողոքը։
Հիշեցնենք, որ Ռազմիկ Աբրահամյանն առաջին ատյանի դատարանի դատավոր Դավիթ Բալայանի որոշմամբ ազատ էր արձակվել կալանքից։ Դրանից հետո ապօրինի որդեգրման գործով տուժած ծնողները բողոքի ակցիա կազմակերպեցին, իսկ Դատախազությունն էլ իր հերթին բողոքարկեց, թե՛ Աբրահամյանի, թե՛ մյուս երկու մեղադրյալներին ազատ արձակելու որոշումները։
Գործը քննում է դատավոր Անդրանիկ Մնացականյանը։ Աբրահամյանը մեղադրվում է ծնողից երեխային ապօրինի բաժանելու կամ փոխելու համար, ընդ որում՝ երկու և ավելի երեխաների նկատմամբ: Նրան առաջադրվել է նաև առևտրային կաշառքի մեղադրանք։
Հիշեցնենք նաև, որ օրերս Վերաքննիչ քրեական դատարանը դատավոր Արմեն Դանիելյանի նախագահությամբ բավարարել էր Դատախազության բողոքը և «Երևանի մանկան տուն» ՊՈԱԿ-ի տնօրեն Լիանա Կարապետյանի նկատմամբ խափանման միջոց ընտրել կալանքը։
Լիլիթ Շաբոյան
