24.06.2026 | 18:10
ՀԱՊԿ-ում կքննարկեն Հայաստանին հեռացնելու հարցը // Սեդա Սաֆարյանը կմասնակցի ՍԴ նիստին․ ԼՈՒՐԵՐ
Իշխանություններին թվում է, թե այս օրինագծով կրթության հաշվին բանակն են ուժեղացնում, բայց իրականում երկուսն էլ թուլացնում են
Քաղաքականություն
20.10.2017 | 14:11
«Հոդված 3» ակումբում քննարկում էր կազմակերպվել՝ նվիրված զինծառայության մասին նոր օրենսդրական կարգավորումներով ակադեմիական տարկետման տրամադրման կարգի փոփոխությունների խնդրին:
Այս առնչությամբ մի խումբ ուսանողներ «Հանուն գիտության զարգացման» նախաձեռնության անունից բաց նամակ են հղել ԿԳՆ և ՊՆ նախարարիներին՝ հայտնելով իրենց անհամաձայնությունը։
Խոսելով ՀՀ պաշտպանության նախարարության կողմից ներկայացված օրենքի նախագծից բանախոսներից Սարգիս Բալդարյանը, որ «Հանուն գիտության զարգացման 2017 թվականի նախաձեռնության» անդամ է. նկատեց. «Ասպիրանտուրան, այս պարագայում, այո՛, կազատվի բոլոր այն ուսանողներից, որոնք հետբուհական կրթությունն օգտագործում են զինծառայությունից խուսափելու նպատակով: Բայց ասպիրանտուրան կազատվի նաև բոլոր այն շնորհալի երիտասարդներից, որոնք պայմանավորում են հայաստանյան գիտության զարգացումը և հայության ապագա մտավոր պոտենցիալը»:
Իսկ «Հանուն գիտության զարգացման 2004 թվականի նախաձեռնության» անդամ Արեն Մանուկյանը նկատեց, որ իշխանություններին թվում է, թե այս օրինագծով խնդիր են լուծում ու բանակն են ուժեղացնում կրթության ու գիտության հաշվին, բայց իրականում երկուսն էլ թուլացնում են ու դրանով թուլացնում են հենց պետության հիմքերը:
Մանրամասները՝ տեսանյութում:
