21.05.2026 | 18:10
Արթուր Օսիպյանը հացադուլ է հայտարարել // Վերին Արտաշատում Փաշինյանին հատուկ են դիմավորել․ ԼՈՒՐԵՐ
Ներողություն պետք է խնդրել ոչ միայն պարոն Բաբաջանյանից, այլ մեզ բոլորից․ Լուսինե Բադալյան. ՏԵՍԱՆՅՈՒԹ
Քաղաքականություն
21.01.2020 | 13:33
Ինձ համար շատ զարմանալի էր, որ պարոն Աբովյանն այդպես էլ չգիտակցեց, թե ինչ վիրավորական արտահայտություն էր արել Գևորգ Պետրոսյանը և ինչի համար պետք էր ներողություն խնդրել։ Այս մասին ԱԺ-ում իր ելույթի ժամանակ ասաց «Իմ քայլը» խմբակցության պատգամավոր Լուսինե Բադալյանը։
«Ես ունեմ խորին համոզմունք, որ ներողություն է պետք խնդրել պարոն Պետրոսյանի պահվածքի համար ոչ միայն պարոն Բաբաջանյանից, այլ նաև մեզ բոլորից, որ մեր թանկարժեք ժամանակը, որի ընթացքում կարող էինք ևս մեկ օրինագիծ քննարկել, մենք ծախսեցինք աբսուրդային, «բոլոլա բազարի» վրա»,- ասաց Բադալյանը։
Հիշեցնենք, որ քիչ առաջ ելույթ ունեցավ «Բարգավաճ Հայաստան» խմբակցության պատգամավոր Գևորգ Պետրոսյանը։ Նա ասաց, որ գողական բառի հետ էլի 3 տառից բաղկացած հասկացություն կա, լավ կլինի դրա դեմ պայքարեն։ Ապա ելույթ ունեցավ պատգամավոր Արման Բաբաջանյանը և նշեց, որ իր կարծիքով՝ «Բարգավաճ Հայաստանի» անունից ինչ-որ մեկը պետք է ներողություն խնդրի իրենց գործընկերոջ խայտառակ պահվածքի համար։
Մանրամասները՝ տեսանյութում:
Արմինե Ալոյան
