17.09.2026 | 23:38
Սամվել Կարապետյանի տնային կալանքը երկարաձգվել է
Գողական բառի հետ էլի 3 տառից բաղկացած հասկացություն կա, լավ կլինի դրա դեմ պայքարեք․ Գևորգ Պետրոսյան. ՏԵՍԱՆՅՈՒԹ
Քաղաքականություն
21.01.2020 | 11:22
Ազգային ժողովում քննարկվում է «Քրեական օրենսգրքում փոփոխություններ և լրացում կատարելու մասին» և «ՀՀ քրեական դատավարության մասին օրենսգրքում լրացում կատարելու մասին» օրենքների նախագծերը։
Նախագծի քննարկման ժամանակ ելույթ ունեցավ «Բարգավաճ Հայաստան» խմբակցության պատգամավոր Գևորգ Պետրոսյանը։
Նա նկատեց, որ իրենք միշտ դեմ են հանցավորությանը։ «Մենք միշտ մի սկզբունք ենք պահում, որ մարդուն պետք է դատել կատարած արարքի համար։ Ես, իհարկե, մի քիչ դժվարանում եմ հասկանալ, թե ինչու է կառավարությունն այսօր հռչակել այս պայքարը, որովհետև սա ոչ թե հանցավորության դեմ պայքար է, այլ ինչ-որ անորոշ երևույթների»,- ասաց նա։
Ապա, դիմելով արդարադատության նախարար Ռուստամ Բադասյանին, հարցրեց․ «Պարոն նախարար, ի՞նչ է նշանակում գողական աշխարհ, ո՞վ կարա դրա սահմանն ընդգծի, բայց լավ եք անում, որ պայքարում եք հանցավորության դեմ։ Մի հուշում կամ խորհուրդ ասեմ՝ գողական բառի հետ էլի 3 տառից բաղկացած հասկացություն կա, լավ կլինի դրա դեմ պայքարեք»։
Մանրամասները՝ տեսանյութում։
Արմինե Ալոյան
