19.04.2026 | 18:15
Փոփոխություններ՝ ՀՀ պետական և ոչ պետական բուհեր ըստ բակալավրի ու անընդհատ և ինտեգրացված կրթական ծրագրերի ընդունելության կարգում
«Աղքատության աջակցության մեթոդաբանությունը փոխելով, կապ է դրվում աշխատաշուկայի միջև». Հ. Տիգրանյան. ՏԵՍԱՆՅՈՒԹ
Հասարակություն
21.01.2020 | 13:12
Աղքատության հաղթահարման համար աջակցության մեթոդաբանությունը փոխելով, նաև հստակ կապ է դրվում ուսուցման և աշխատանքի, աշխատաշուկայում առաջարկի և պահանջարկի համամասնության ապահովման միջև։ Այս մասին այսօր՝ «Կառավարությունը փոխում է աղքատության հաղթահարման համակարգը. արդյոք այն առավել հասցեակա՞ն է» թեմայով քննարկմանը նշեց ԱԺ առողջապահության և սոցիալական հարցերի մշտական հանձնաժողովի փոխնախագահ Հերիքնազ Տիգրանյանը։
«Ողջունում եմ կառավարության խիզախությունը՝ այս համակարգում արմատական փոփոխություն անելու համար։ Կառավարությունը, ի դեմս Աշխատանքի և սոցիալական հարցերի նախարարության, գնում է շատ ավելի խորքային, արմատական լուծումների, որոնք որոշ դեպքերում կարող են տարընկալումների տեղի տալ, քանի որ լուծումներն իսկապես տարբերվում են նախորդ բոլոր կարգավորումներից։ Հանրության ակնկալիքները նոր ձևավորված իշխանություններից, առաջին հերթին ուղղված են սոցիալական ոլորտում բարեփոխումներին։ Մարդիկ ակնկալում են, որ նոր, հեղափոխական կառավարությունը միանգամից պիտի ամբողջությամբ բարեփոխեր իրենց եղած կարգավիճակը և իրենք միանգամից պիտի զգային իրենց կյանքի որակի փոփոխություն։ Շատ լավ հասկանում եմ մարդկանց ակնկալիքները»,- ասաց Հերիքնազ Տիգրանյանը։
Մանրամանսերը՝ տեսանյութում։
Նելլի Մելքոնյան
