02.11.2024 | 14:03
ՀՀ ոստիկանությունը քաղաքական պատվեր է կատարում․ Հ․ Ավետիսյանը դիմեց Ոստիկանությանը և ԱՄՆ դեսպանին․ ՏԵՍԱՆՅՈՒԹ
«Փարոս» ծրագրից օգտվում են աղքատությունից հեռու գտնվող մարդիկ․ Արմեն Մկրտչյան
Հասարակություն
19.10.2017 | 14:08
«Փարոս» ծրագիրը չպետք է լինի Սոցապնախարարության կազմում, այլ գործի հասարակական վերահսկողության ներքո,- այսօր հրավիրված ասուլիսի ժամանակ հայտարարեց քաղաքական գործիչ Կարեն Թումանյանը․«Իմ առաջարկն է, որ այս ծրագիրը Սոցապնախարարության կազմից հանվի, քանի որ հանրության հաշվին այն գոյություն ունի և իր մեջ հասարակական կարծիքի բաղադրիչ կա: Նպատակահարմար եմ գտնում, որ այն գործի հանձնաժողովի տեսքով, որտեղ հասարակական գործիչներ կլինեն, ճանաչված մարդիկ»։
««Փարոս» ծրագրից օգտվում են աղքատությունից հեռու գտնվող մարդիկ», -նման տեսակետ հայտնեց «Հայազն» կուսակցության վարչության անդամ Արմեն Մկրտչյանը:
«Ծրագրում շատ ենք հանդիպում կոռուպցիոն ռիսկերի, որոնք այնքան անթաքույց են, որ անգամ ծիծաղելի են»- ասաց նա։
Բանախոսներն անդրադարձան նաև վերջերս ազատ արձակված Սոցիալական ապահովության հիմնադրամի նախկին նախագահ Վազգեն Խաչիկյանին՝ նրան որակելով «կոռուպցիոն բուրգի մեջ եղած քավության նոխազ»։
