31.01.2026 | 23:36
Եվրո-2026․ Ֆուտզալի Հայաստանի հավաքականն ավարտեց ելույթը
Բացառիկ չափի ֆինանսական օժանդակություն կտրամադրվի դատաիրավական բարեփոխումների համար. Ռուստամ Բադասյան. ՏԵՍԱՆՅՈՒԹ
Հասարակություն
27.12.2019 | 12:44
Այս տարվա հիմնական ձեռքբերումը դատաիրավական համակարգի և հակակոռուպցիոն ռազմավարություններն են։ Այսօր հրավիրված ամփոփիչ ասուլիսում այս մասին ասաց ՀՀ արդարադատության նախարար Ռուստամ Բադասյանը:
«Հեղափոխությունից հետո հանրության պահանջած օրակարգը՝ բարեփոխումներ, պետք էր սկսել իրականացնել նախագծերի մշակումից։ Ամբիցիոզ և չափելի ռազմավարություններ են։ Բացառիկ է լինելու միջազգային գործընկերների կողմից տրամադրվելիք ֆինանսական օժանդակության չափը։ Բանակցությունների ավարտը կլինի հաջորդ տարի»,- ներկայացրեց նախարարը:
Ըստ նրա՝ անկախ դատական համակարգի ստեղծումն առաջնային է՝ բարեվարքության մեխանիզմների կատարելագործման միջոցով, կստեղծվեն հակակոռուպցիոն դատարան ու Հակակոռուպցիոն կոմիտե։
2020 թվականին ամենամեծ խնդիրը, որ պատրաստվում է հաղթահարել նախարարությունը, դատարանների ծանրաբեռնվածության նվազեցումն է։ Բողոքարկումներից որոշների համար այլևս դատական նիստ չի գումարվի, այլ կողմերը կտեղեկացվեն որոշման մասին։
Մանրամասները՝ տեսանյութում:
Ռոբերտ Անանյան
