21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
Հայտնի է տաքսու տարեց վարորդին ծեծած «Բրաբուսի» վարորդի ինքնությունը. ՏԵՍԱՆՅՈՒԹ
Հասարակություն
27.12.2019 | 11:31
Տեսանյութը համացանցում հայտնվելուց հետո Ոստիկանությունը համապատասխան գործողություններ է իրականացնում դեպքի մանրամասները պարզելու համար։
Այս մասին Factor.am-ի հետ զրույցում ասաց Ոստիկանության հասարակայնության հետ կապերի վարչության պետ Աշոտ Ահարոնյանը՝ անդրադառնալով երեկ համացանցում հայտնված տեսանյութին, որտեղ «Բրաբուսի» վարորդը հարվածներ է հասցնում տաքսու տարեց վարորդին։
Ըստ հրապարակված տեսանյութի՝ դեպքը տեղի է ունեցել Պռոշյան փողոցում։ 010 OD 10 համարանիշերով «Բրաբուսի» վարորդը հարվածում է տաքսու հետնամասին, ապա իջնում ու սկսում հարվածել տարեց վարորդին։ Հարվածների արդյունքում տարեց մարդն ընկնում է գետնին, իսկ «Բրաբուսի» վարորդը շարունակում է հարվածներ հասցնել ոտքերով։ Միջադեպը դադարում է, երբ միջամտում են անցորդները։
Աշոտ Ահարոնյանը փոխանցեց, որ «Բրաբուսի» վարորդի ինքնությունը հայտնի է, ավելի ուշ մանրամասներ կներկայացնեն։
Նարեկ Կիրակոսյան
