19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Իշխող ուժը փորձում է վերահսկել ՍԴ-ն. Ռուբեն Մելիքյան. ՏԵՍԱՆՅՈՒԹ
Հասարակություն
27.12.2019 | 12:08
Ես երեկ տեղեկացա, որ այս շենքում տեղի է ունենալու ՍԴ նախագահի հարցաքննությունը, և պատշաճ համարեցի ներկայություն ունենալ այստեղ՝ հաշվի առնելով, որ սա պարզապես հարցաքննություն չէ: Լրագրողների հետ զրույցում այս մասին ասաց Սահմանադրական դատարանի բակում անցկացվող ակցիային մասնակցող Արցախի նախկին ՄԻՊ Ռուբեն Մելիքյանը:
«Սա պարզապես հարցաքննություն չէ, որովհետև մենք ունեցանք ՍԴ-ի նկատմամբ ավելի լայն կտրվածքով ճնշումների մի ամբողջ շղթա, որը վերջին շրջանում, կարծես, դադարել էր, պարզվեց՝ ժամանակավորապես էր դադարել: Մենք իրականում ունեինք այն լավատեսությունը, որ կարծեք թե մեր քաղաքական իշխանությունները որոշակի հետևություններ են արել տեղի ունեցած գործողություններից, ընկալել են իշխանությունների տարանջատման, զսպումների և հակակշիռների կարևորությունը»,- ասաց Մելիքյանը:
Նա հիշեցրեց, որ հանրապետության նախագահը երեկ ստորագրել է ՍԴ դատավորներին վաղաժամ թոշակի ուղարկելու մասին օրենքը՝ շեշտելով, սակայն, որ այն կամավորության սկզբունք է ենթադրում. «Եվ մենք տեսանք, թե ինչպես են մեր իշխանություններն ընկալում կամավորությունը»:
Մանրամասները՝ տեսանյութում:
