23.02.2026 | 21:13
ՀՀ և Պորտուգալիայի ԱԳՆ ներկայացուցիչները քննարկել են երկկողմ և տարածաշրջանային օրակարգը
Հոկտեմբերի 27-ի կարճված գործը կվերաբացվի՝ բացահայտելու համար մեր պետության թշնամիներին՝ ներսից, թե դրսից. Անահիտ Բախշյան
Հասարակություն
25.12.2019 | 20:49
ԱԺ նախկին պատգամավոր Անահիտ Բախշյանը, հոկտեմբերի 27-ին զոհված Յուրի Բախշյանի այրին, ֆեյսբուքյան գրառմամբ տեղեկացրել է, որ Հոկտեմբերի 27-ի կարճված գործը վերաբացվելու է:
«Ժողովուրդ ջան, տեղեկացնում եմ, որ այսօր ստացել եմ 18․12․2019թ․ՀՀ գլխավոր դատախազին ուղղված հոկտեմբերի 27-ի քրեական գործը կարճելու մասին որոշման դեմ բողոքիս պատասխանը։ Այն բավարարվել է իմ փաստաբան Զարուհի Մեժլումյանի գրագետ, հիմնավորված 37 էջից բաղկացած բողոքի հիման վրա։ Սա նշանակում է, որ հոկտեմբերի 27-ին ՀՀ պետության դեմ կատարված ահաբեկչության կազմակերպիչների, հովանավորների մասով կարճված գործը նորից կգնա քննության, այսինքն սա նշանակում է, որ Հայաստանի Հանրապետությունը հանդես է գալիս որպես այդ պետական ահաբեկչության տուժող կողմ ու կանի ամեն ինչ բացահայտելու համար մեր պետության թշնամիներին, դա լինի ներսից, թե՝ դրսից։ Ակնդետ հետևելու ենք գործընթացին»,- գրել է նա:
