23.06.2026 | 21:00
Ընդդիմությունը կրակեց իր ոտքին՝ չեղարկվեց 3 տեղամասի արդյունքը. եթե ձեռք չտային՝ ԲՀԿ-ն կանցներ ԱԺ․ Մարիա Կարապետյան․ ՏԵՍԱՆՅՈՒԹ
Ստորագրվել է համագործակցության հուշագիր ՀՀ վարչապետի աշխատակազմի և «ՎիվաՍել-ՄՏՍ» ընկերության միջև
Տնտեսություն
25.12.2019 | 15:51
Փոխվարչապետ Տիգրան Ավինյանի գրասենյակից տեղեկացնում են, որ դեկտեմբերի 25-ին ՀՀ վարչապետի աշխատակազմի և «ՎիվաՍել-ՄՏՍ» ընկերության միջև ստորագրվել է համագործակցության հուշագիր: Այն ստորագրել են փոխվարչապետ Տիգրան Ավինյանի գրասենյակի ղեկավար Սերժ Վարագ Սիսեռյանը և «ՎիվաՍել-ՄՏՍ» ընկերության գլխավոր տնօրեն Ռալֆ Յիրիկյանը։
«Հուշագրի շրջանակներում կողմերը պայմանավորվել են համագործակցել պետական մարմիններում և հանրային նշանակության կազմակերպություններում հակակոռուպցիոն և ներքին բարեվարքության կրթության կազմակերպման ու բարեվարքության համակարգի ներդրման հարցերում։
Համատեղ ջանքերով կիրականացվի ուսումնասիրություն և դրա հիման վրա կներկայացվեն առաջարկություններ մասնավոր հատվածում բարեվարքության ապահովման և հակակոռուպցիոն համապատասխանության գնահատման համակարգերի ներդրման վերաբերյալ։ Նաև, կմշակվեն և կներդրվեն հակակոռուպցիոն ոլորտի կրթական և իրազեկման ծրագրեր, ինչի հիման վրա ՀՀ արդարադատության նախարարության «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի միջոցով կիրականացվի շուրջ 100 հանրային ծառայողի և բիզնես ոլորտի ներկայացուցիչների վերապատրաստում։
Կողմերը կարևորելով պետական կառավարման և արդարադատության ոլորտներում նորագույն տեխնոլոգիաների նշանակությունը` հուշագրի շրջանակներում կմշակեն և կիրականացնեն իրավական կրթության ոլորտում տեղեկատվական տեխնոլոգիաների կիրառման հարցերին նվիրված ծրագրեր առնվազն երեք բարձրագույն ուսումնական հաստատությունների իրավաբանական ֆակուլտետներում»,- ասված է հաղորդագրությունում:
