17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
Խնդիրը խորքային է․ Մարիա Կարապետյանը՝ քաղաքականության մեջ կանանց ներգրավվածության մասին. ՏԵՍԱՆՅՈՒԹ
Հասարակություն
25.12.2019 | 11:56
Այն, որ հեղափոխությունից հետո քաղաքականության մեջ միանգամից կանանց մասնակցության կտրուկ աճ չի գրանցվել, փաստում է, որ խնդիրը խորքային է։ Այս մասին «Կանանց իրավունքները 2019 թ. թերներկայացվածության և բռնության կանխարգելման խնդիրները» թեմայով քննարկման ժամանակ ասաց «Իմ քայլը» խմբակցության պատգամավոր Մարիա Կարապետյանը։
«Մանկությունից սկսած աղջիկ երեխաներին պետք է դաստիարակենք այնպես, որպեսզի նրանք երիտասարդ տարիքում և արդեն հասունության տարիքում, ունենան մարդկային ցանցեր, ունենան ընտրողների զանգված, ունենան ճանաչելիություն, ունենան հանրային խոսքի ձևակերպման հմտություններ։ ՏԻՄ-երի առումով համաձայն եմ, որ շատ աշխատանք ունենք անելու»,- ասաց Մարիա Կարապետյանը։
Նա մատնանշեց նաև դրական փոփոխությունները։ «Այսօր ՀՀ-ում կառավարում է մի ուժ, որի կորիզը հանդիսացող փիլիսոփայության մեջ կանանց և տղամարդկանց իրավահավասարությունը, ինչպես նաև բռնությունից զերծ հանրության կառուցումը կարևորագույն, առանցքային թեզեր են։ Նշեմ, որ այս կառավարությունում փոխնախարարների թվով ամենամեծ թվով կին փոխնախարարներն ունենք, քան նախորդ ժամանակաշրջաններում»,- նկատեց նա։
Մանրամասները՝ տեսանյութում։
