24.04.2026 | 09:35
Փաշինյանն ու բարձրաստիճան այլ պաշտոնյաներ հարգանքի տուրք մատուցեցին Հայոց ցեղասպանության զոհերի հիշատակին․ ՏԵՍԱՆՅՈՒԹ
ՏԻՄ ընտրությունները դարձել են ոչ գրավիչ կանանց համար և նրանց մասնակցությունը պակասել է․ Անի Սամսոնյան
Հասարակություն
25.12.2019 | 11:38
Կանանց նկատմամբ բռնության դեպքերի ցուցանիշների մասով որևէ առաջընթաց չեմ նկատել։ Այս մասին «Կանանց իրավունքները 2019 թ. թերներկայացվածության և բռնության կանխարգելման խնդիրները» թեմայով քննարկման ժամանակ ասաց ԱԺ «Լուսավոր Հայաստան» խմբակցության պատգամավոր Անի Սամսոնյանը։
«Փաստն այն է, որ այս խնդիրը ՀՀ-ում շարունակում է մնալ։ Մենք չենք կարողանում մշակել այնպիսի մեխանիզմներ, որ խնդրին տանք ճկուն լուծումներ»,- նկատեց Սամսոնյանը։
Վերջինիս կարծիքով՝ տեղական ինքնակառավարման մարմիններում կանանց մասնակցության մասով հետընթաց ենք ապրել։
«Մասնակցել եմ համայնքներում տեղի ունեցող ընտրությունների նախընտրական քարոզարշավներին և կանանց ներգրավվածության քննարկումներին և այս հարցով բավական խնդիրներ կային այն մասով, որ ՏԻՄ ընտրությունները դարձել են ոչ գրավիչ կանաց համար և նրանց մասնակցությունը պակասել է։
Հեղափոխությունն ինքնին առաջընթաց չի գրանցել։ Այն, որ հեղափոխություն է եղել և քաղաքական համակարգն է փոխվել, դա չի նպաստել, որ ՏԻՄ ընտրություններում կանայք ակտիվ ներգրավվեն, և սա խոսում է, որ մենք համակարգում ունենք խնդիրներ»,- ասաց Անի Սամսոնյանը։
Մանրամասները՝ տեսանյութում։
