03.03.2026 | 23:33
«Դա ձեզ համար Ուինսթոն Չերչիլը չէ». Թրամփը հայտարարել է, որ հատկապես դժգոհ է Մեծ Բրիտանիայի արձագանքից
Խնդրում ենք ներողամիտ լինել անհարմարության համար. քաղաքապետի խոսնակ
Հասարակություն
25.12.2019 | 10:46
Միանգամայն ճիշտ են Հրապարակի վերգետնյա անցման մատչելիության խնդրից դժգոհողները: Այս մասին Ֆեյսբուքում գրել է Երևանի քաղաքապետի խոսնակ Հակոբ Կարապետյանը:
«Ցավոք, հնարավոր չի եղել կամրջի ներառականության հարցը պատշաճ ձեւով լուծելը. մետաղական ժամանակավոր կոնստրուկցիայի առանձնահատկությունը, ինչպես նաեւ ժամանակի սղությունը, բարդացրել են սայլակով տեղաշարժվող անձանց համար վերելակի տեղադրման հարցը, իսկ բարձրության անկյան մեծությունը անհնար է դարձնում թեքահարթակների գոյությունը:
Այս պահի դրությամբ խնդրի վերաբերյալ կարող եմ հայտնել, որ տեղում հերթապահություն անող ՃՈ կարգախմբերը եւ պարեկային ծառայություն անցկացնող ոստիկանները պատրաստակամ են՝ բոլոր սայլակ օգտագործող մարդկանց, այդ թվում՝ մանկասայլաով ծնողներին օգնել ճանապարհն անցնելու հարցում:
Խնդրում ենք ներողամիտ լինել անհարմարության համար»,- գրել է Կարապետյանը:
