07.04.2026 | 13:35
Դուք համարձակություն ունե՞ք ասել՝ կան ուժեր, որոնք պատրաստվում են գողանալ առաջիկա ընտրությունները․ ՏԵՍԱՆՅՈՒԹ
Բացառում եմ, որ Հենրիխ Մխիթարյանը չհրավիրվի հավաքական. Մելիքբեկյան. ՏԵՍԱՆՅՈՒԹ
23.12.2019 | 20:08
Հայաստանի Ֆուտբոլի ֆեդերացիայի նորընտիր նախագահ Արմեն Մելիքբեկյանը հերքում է ՀՖՖ գործկոմի նախկին անդամ, Հայաստանի հավաքականի և «Ռոմայի» կիսապաշտպան Հենրիխ Մխիթարյանի մոր՝ Մարինա Թաշչյանի հայտարարությունը, թե ՀՖՖ-ում խոսակցություններ են եղել ազգային հավաքական Մխիթարյանին չհրավիրելու վերաբերյալ։
«Իհարկե, ես բացառում եմ, որ որևէ խնդիր կարող է լինել Հենրիխ Մխիթարյանի հետ կապված։ Նա հայկական ֆուտբոլի պարծանքն է, լեգենդար ֆուտբոլիստ, նա չի խաղում ՀՖՖ նախագահի համար, նա խաղում է հայաստանցիների համար, իր դրոշի համար, և ես բացառում եմ որևէ խնդիր և շահարկել պետք չէ»,- նշեց Արմեն Մելիքբեկյանը։
Հիշեցնենք, որ ՀՖՖ գլխավոր քարտուղար Արմեն Մելիքբեկյանն ընտրությունում ստացավ 13 ձայն, մյուս թեկնածուն՝ Վանաձորի «Լոռի» ակումբի նախագահ Թովմաս Գրիգորյանը՝ 7 ձայն:
Մանրամասները՝ տեսանյութում:
Նարեկ Կիրակոսյան
