01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Խոսակցություն է եղել Հենրիխ Մխիթարյանին հավաքական չհրավիրել. Մարինա Թաշչյան. ՏԵՍԱՆՅՈՒԹ
23.12.2019 | 19:20
Հենրիխ Մխիթարյանի մայրը՝ ՀՖՖ գործկոմի նախկին անդամ Մարինա Թաշչյանը ՀՖՖ Ներքին աուդիտի և համապատասխանության կոմիտեի նախագահ, վարչապետի խորհրդական Մեսրոպ Առաքելյանի ֆեյսբուքյան գրառումից հետո, թե անհրաժեշտ է ազգային հավաքականի մթնոլորտի կտրուկ փոփոխություն՝ ընդհուպ ավագի փոփոխություն, զանգահարել է ֆուտբոլի ֆեդերացիա և պահանջել, որ արձագանքեն այդ հարցազրույցին։
«Միայն իմ զանգից հետո իրենք արձագանքեցին։ Բայց ես կարծում եմ, որ եթե ֆուտբոլի ֆեդերացիան իրոք ֆուտբոլային ֆեդերացիա է, այդ մարդուն պետք է ընդհանրապես խայտառակ անեն»,- ասաց Մարինա Թաշչյանը։
Նա նշեց նաև, թե տեղին չէր համարում Արթուր Վանեցյանի հրաժարականը ՀՖՖ նախագահի պաշտոնից։
Հարցին՝ մտավախություն չունի՞, որ իր հայտարարությունները ֆեդերացիան կարող է Հենրիխ Մխիթարյանի դեմ օգտագործել, Մարինա Թաշչյանն արձագանքեց. «Թող օգտագործի։ Դա միան իրենց վնաս կտա, արդեն օգտագործել են։ Եթե կգտնեն, որ Հենրիխին չպետք է հրավիրեն հավաքական, թող չհրավիրեն։ Այդպիսի խոսակցություններ եղել են»։
Մանրամասները՝ տեսանյութում։
Նարեկ Կիրակոսյան
