30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Իմ կողմ նետված քարերով կարելի է դամբարան կառուցել. Արմեն Մելիքբեկյան. ՏԵՍԱՆՅՈՒԹ
23.12.2019 | 15:53
Համակարգը փոխվելու կարիք ուներ, նախկին համակարգը պետք է հեռանա: Համաձայն եմ պարոն Գրիգորյանի հետ, որ անձերի խնդիր չկա, խոսքը համակարգի մասին է: Այս մասին ՀՖՖ նախագահի ընտրության ժամանակ ասաց թեկնածու Արմեն Մելիքբեկյանը:
«1.3 տարի աշխատել եմ ՀՖՖ-ում, ունեցել ենք նախկին համակարգի հակազդեցությունը: Չստացվելու համար մի կողմը մեղավոր չէ: Առաջարկում եմ կառուցողական մոդել: Բոլոր հանդիպումները լուսաբանվելու են: Հավասարաչափ հիմքեր ունենալու համար կարևոր է Պրոֆեսիոնալ լիգայի ստեղծումը: Թանկ հաճույք լինելը չի համապատասխանում իրականությանը: Ակումբներն ունակ են որոշել բոլոր հարցերը: Պրոֆեսիոնալ լիգայի ստեղծումը մեր հրամայականն է: Հանդիպել եմ մեր ֆուտբոլի վետերանների հետ, պետք է ստեղծենք արհմիություն, որը կզբաղվի վետերան և կարիերան նոր ավարտած ֆուտբոլիստների խնդիրներով: Իմ հարցազրույցների ընթացքում նշել եմ, որ բաց լինելը կարևոր է: Մարդկանց մեջ ներդրում անելը, կրթական ծրագրերը առաջնային են: Հուսամ, որ համագործակցության ընթացքում կլուծենք ծառացած խնդիրը: ՀՖՖ նախագահի պաշտոնը ինքնանպատակ չէ. ես հավակնում եմ այս պաշտոնին` չունենալով անձնական շահ: Ֆուտբոլում սկսել եմ որպես գնդակներ մատակարարող երեխա, եղել եմ ֆուտբոլային լրագրող և վստահ եմ, որ կարող եմ ծառայել հայկական ֆուտբոլին, ես անչափ սիրում եմ այս մարզաձևը»,- ասաց նա:
Մանրամասները՝ տեսանյութում:
Նարեկ Կիրակոսյան
