11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Մասիսի և Վեդիի ՍԱՏԳ պետերի նկատմամբ, հնարավոր է, ծառայողական քննություն իրականացվի․ Գարիկ Սարգսյան. ՏԵՍԱՆՅՈՒԹ
Հասարակություն
20.12.2019 | 13:32
Արարատի մարզում նպաստառու ընտանիքների թիվը նվազել է։ 2019 թվականին նպաստառու ընտանիքները պակասել են 202-ով՝ 7489-ի փոխարեն կազմելով 7287։ Այս մասին տարեվերջյան ամփոփիչ ասուլիսի ժամանակ տեղեկացրեց Արարատի մարզպետ Գարիկ Սարգսյանը։
Նա նկատեց, որ թիվը նվազել է, քանի որ խիստ հետևում են ՍԱՏԳ-ների աշխատանքին։
«Անարդարացի է, որ մի ընտանիք, որն ունի շատ վատ վիճակում գտնվող, դեռևս խորհրդային տարիների մեքենա, անչափահաս երեխա, զրկվում է նպաստ ստանալու իր իրավունքից՝ բալերը չեն հերիքում, իսկ իր հարևանությամբ հարուստ դրկիցը կարող է օգտվել այդ հնարավորությունից, մենք փորձել ենք բացառել այդ դեպքերը»,- նշեց Գարիկ Սարգսյանը։
Նա տեղեկացրեց, որ մարզում ներդրվել է աշխատաշուկայում անմրցունակ անձանց անասնապահությամբ զբաղվելու համար աջակցության տրամադրման ծրագիրը։ Մարզպետի տեղեկացմամբ՝ ունեն 60 շահառու։ Սակայն մարզպետը նկատեց, որ այստեղ առաջացել են որոշակի խնդիրներ։
«Մենք մանրամասն սկսեցինք ուսումնասիրել այս շահառուների ցուցակը և պարզվեց, որ Մասիսում և Արարատում ունենք խնդիրներ։ Այնտեղ ընդգրկված քաղաքացիներ ունենք, ովքեր ունեն մեծ թվով անասնագլխաքանակ, իրենց կարելի է համարել մեծ ֆերմերներ, և նրանք դիմել են այս ծրագրին մասնակցելու համար։ Ես սա անընդունելի եմ համարում։ Այս պահին մեր կողմից ստեղծված հանձնաժողովի ուսումնասիրություններն ավարտված են, եղել են Մասիսիում և Արարատում։ Ամենյան հավանականությամբ, մեր երկու՝ Մասիսի և Վեդիի ՍԱՏԳ պետերի նկատմամբ ծառայողական քննություն կիրականացվի»,- ընդգծեց Գարիկ Սարգսյանը։
Նա չցանկացավ մինչև ծառայողական քննության ավարտն անուններ հնչեցնել։
Մանրամասները՝ տեսանյութում։
