01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Կալանավորված անձինք ու դատապարտյալները պետք է մասնակցություն ունենան իրենց վերաբերող որոշումների կայացման գործընթացում. ՄԻՊ
Հասարակություն
19.12.2019 | 21:27
Մարդու իրավունքների պաշտպան Արման Թաթոյանը Մոսկվայում մասնակցել է եվրասիական տարածաշրջանում օմբուդսմանների հաստատությունների լավագույն փորձի փոխանակմանը նվիրված ամենամյա միջազգային համաժողովին։
«Ռուսաստանի Դաշնությունում մարդու իրավունքների հանձնակատարի կազմակերպած երրորդ միջազգային համաժողովին ներկա են գտնվել ավելի քան 21 երկրներից օմբուդսմաններ և 10 միջազգային կազմակերպությունների ղեկավարներ։
Մարդու իրավունքների պաշտպան Արման Թաթոյանը ներկայացրել է խոշտանգումների կանխարգելման ոլորտում աշխատանքի առանձնահատկությունները։
«Կարևոր է կալանավորված անձանց և դատապարտյալների նկատմամբ անհատական վերաբերմունքը և նրանց վարքագծի ռիսկային գնահատման մեխանիզմի ներդրումը։ Կալանավորված անձինք ու դատապարտյալները պետք է մասնակցություն ունենան իրենց վերաբերող որոշումների կայացման գործընթացում»,- նշել է Հայաստանի մարդու իրավունքների պաշտպանը։
Համաժողովի ընթացքում քննարկվել եվրասիական տարածաշրջանում մարդու իրավունքների պաշտպանության հիմնախնդիրները, մասնավորապես, միգրանտների իրավունքներին, էկելոգիական անվտանգությանը և թվային միջավայրում մարդկանց իրավունքների պաշտպանությանն առնչվող հարցեր»,- ասված է հաղորդագրությունում:
