12.08.2026 | 19:06
Զելենսկին շնորհավորել է Փաշինյանին
2020 թ.-ին ՀԴՄ-ների չտրամադրման դեմ պայքարը քառակի ուժեղանալու է․ Նիկոլ Փաշինյան. ՏԵՍԱՆՅՈՒԹ
Հասարակություն
19.12.2019 | 15:23
Կառավարության նիստի ժամանակ ֆինանսների նախարար Ատոմ Ջանջուղազյանը տեղեկացրեց, որ Հարկային օրենսգրքում կատարվող փոփոխությունների մասին հարցով առաջարկվում է մեղմել ՀԴՄ կիրառության կանոնների խախտման համար նախատեսված տուգանքի չափը, մասնավորապես, հանրային սննդի ոլորտում։ Սակայն Ատոմ Ջանջուղազյանն առաջարկեց ձեռնպահ մնալ այսպիսի փոփոխություններից։
Վարչապետ Նիկոլ Փաշինյանն էլ նկատեց, որ 2020 թվականին ՀԴՄ-ների չտրամադրման դեմ պայքարը կրկնակի, եռակի, քառակի ուժեղանալու է։
«Ըստ էության՝ հիմա մենք ՀԴՄ կտրոններ չտրամադրելու համար ունենք տուգանքի 2 մակարդակ։ Հանրային սննդի ոլորտում այդ մակարդակը 600 հազար դրամ է, իսկ մյուս ոլորտներում 150 հազար դրամ տուգանք է։ ԱԺ պատգամավորների կողմից կա առաջարկ՝ հավասարեցնել և 600 հազար դրամը նվազեցնել։ Մենք ասում ենք, որ համաձայն ենք, որ հավասար սկզբունք լինի, բայց տվյալ դեպքում որևէ պարագայում իջեցնելն ուղիղ հակասում է մեր քաղաքական ուղերձներին։ Եվ մենք ասում ենք, որ 2020 թվականին ՀԴՄ-ների չտրամադրամ դեմ պայքարն ուժեղացնելու ենք։ Նաև ասում ենք, որ հավասարեցնենք, և ոչ թե 600․000-ը դառնա 150․000, այլ հակառակը»,- նշեց Փաշինյանը։
Մանրամասները՝ տեսանյութում։
