12.01.2026 | 15:40
Արդարադատության ոլորտում որոշակի առաջընթաց ունենք․ ԲԴԽ անդամ․ ՏԵՍԱՆՅՈՒԹ
Կա լուրջ խնդիր, որը շարունակում է չլուծված մնալ. Դանիել Իոաննիսյան. ՏԵՍԱՆՅՈՒԹ
Հասարակություն
18.12.2019 | 16:24
Թեև երկրում ժողովրդավարության նկատմամբ վերաբերմունքի փոփոխություն կա քաղաքական իշխանության մոտ, այնուամենայնիվ, լուրջ խնդիր կա, որը շարունակում չլուծված մնալ: «Քաղաքացիական հասարակությունը ՄԱԿ-ի Մարդու իրավունքների խորհրդի 35-րդ շրջանում Հայաստանի Համընդհանուր պարբերական դիտարկմանն ընդառաջ» վերտառությամբ հանրային քննարկման ժամանակ ասաց Իրազեկ քաաղքացիների միավորում ՀԿ ծրագրերի համակարգող Դանիել Իոաննիսյանը:
«Դա այն է, որ Ոստիկանությունը ներկայացնում է պահանջ, որին չենթարկվելու համար բերման է ենթարկում ու արձանագրություն կազմում: Սա ընդունված է համարել նորմալ պրակտիկա, բայց դա նորմալ պրակտիկա չէ: Փաստացի ստացվում է, որ քաղաքացիները չեն կարողանում իրացնել խաղաղ հավաքների մասնակցելու իրենց իրավունքը»,- ասաց նա:
Իոաննիսյանը հիշեց անտառահատումների աղմկահարույց դեպքերից հետո Տավուշի մարզում տեղի ունեցած դեպքերը՝ նշելով, որ քաղաքացիները երբեմն ամբողջությամբ չեն ընկալում, որ իրենք տարբեր իրավունքներ ունեն, երբ խաղաղ հավաք են անցկացնում և իրենց հավաքը դադարում է խաղաղ լինել:
«Երբ հավաքը դադարում է լինել խաղաղ, դրա մասնակիցները զրկվում են բազմաթիվ իրավունքներից: Խաղաղ հավաքի նկատմամբ չի կարող կիրառվել հատուկ միջոց և չի կարող դադարեցվել խաղաղ հավաքը»,- նշեց նա:
Մանրամասները՝ տեսանյութում:
Ռոբերտ Անանյան
