10.01.2025 | 23:14
ՊԵԿ նախագահն ընդունել է Հնդկաստանի դեսպանին
Կա քաղաքական կամք՝ մարդուն բարձրացնելու, նրա նկատմամբ հարգանքը մեծացնելու. Լարիսա Մինասյան. ՏԵՍԱՆՅՈՒԹ
Հասարակություն
18.12.2019 | 15:31
Մինչհեղափոխական և հետհեղափոխական շրջանի Հայաստանի պրոցեսները ոչ միայն տարբեր են, այլ նաև պետք է գնահատվեն տարբեր սանդղակներով: «Քաղաքացիական հասարակությունը ՄԱԿ-ի Մարդու իրավունքների խորհրդի 35-րդ շրջանում Հայաստանի Համընդհանուր պարբերական դիտարկմանն ընդառաջ» վերտառությամբ հանրային քննարկման ժամանակ ասաց «Բաց հասարակության հիմնադրամներ – Հայաստան»-ի գործադիր տնօրեն Լարիսա Մինասյանը:
«Մենք այն ժամանակ զեկույցները կազմելիս և ներկայացնելիս ունեինք նպատակ՝ ավելի շատ բարձրաձայնելու ամենօրյա վատթարացող ստանդարտները մարդու իրավունքների, արդարադատության ոլորտներում: Վերջին սահմանադրական փոփոխությունների արդյունքում մի շարք իրավունքներ ավելի վատ ձևով պաշտպանվեցին մեր երկրում՝ սոցիալական իրավունքները, մասնավորապես, բացի այդ՝ մի շարք ինստիտուտներ դարձան ավելի կոնսոլիդացված, օրինակ՝ պառլամենտը կայացած ընտրություններով»,- ասաց Մինասյանը:
Նրա գնահատմամբ՝ կա քաղաքական կամք՝ մարդուն բարձրացնելու, նրա հանդեպ հարգանքը մեծացնելու, իրավունքը պաշտպանելու և առաջ տանելու համար:
«Իրավունքի, արդարության մեծ դեֆիցիտը միլիոնավոր մարդկանց մղեց հեղափոխության: Մենք պետք է կարողանանք փոխված իրավիճակում հետ բերել արդարության թե՛ գաղափարը, թե՛ արժեքը, թե՛ դրա հասանելիությունը»,- ասաց Լարիսա Մինասյանը:
Մանրամասները՝ տեսանյութում:
Ռոբերտ Անանյան
