13.05.2026 | 21:47
Ջանես Նազարյանը՝ մինչև 17 տարեկանների հունահռոմեական ոճի ըմբշամարտի Եվրոպայի չեմպիոն
«Շեկո» մականունով հայտնի գործարարը կալանավորվեց
Հասարակություն
13.12.2019 | 15:22
«Շեկո» մականունով գյումրեցի հայտնի գործարար Գարիկ Ուզունյանը կալանավորվեց։ Այս մասին Factor.am-ի հետ զրույցում տեղեկացրեց Քննչական կոմիտեի դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը։
«Գարիկ Ուզունյանին ՀՀ քրեական օրենսգրքի 258-ի հոդվածի 3-րդ մասի 1-ին կետով մեղադրանք է առաջադրվել և խափանման միջոցն ընտրվել է կալանքը»,- նշեց Նաիրա Հարությունյանը։
Հիշեցնենք, որ ԱԺ «Իմ քայլը» խմբակցության պատգամավոր Կարեն Սարուխանյանը դեկտեմբերի 7-ին ֆեյսբուքյան էջում գրառում էր արել, որ հրապարակումներ են եղել առ այն, թե Ռոբերտ Քոչարյանի անունից ծաղկեպսակ է ուղարկվել Գյումրի՝ ի հիշատակ երկրաշարժի զոհերի։
Դրանից հետո պատգամավորը գրել էր, որ իր ընկերների միջոցով փորձել են իր հետ հանդիպել երկու անձինք և այդ ընթացքում միջադեպ է տեղի ունեցել, որի ժամանակ պատգամավորի ընկերոջը Քոչարյանի կողմնակիցները ծեծել են ու հայհոյել։
