17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
ԱՄՆ-ը միացավ ցեղասպանությունների կանխարգելմանն ուղղված համաշխարհային շարժմանը․ Արարատ Միրզոյան. ՏԵՍԱՆՅՈՒԹ
Հասարակություն
13.12.2019 | 11:24
Ազգային ժողովում մեկնարկեց արտահերթ նիստը։ Մինչ օրակարգում ընդգրկված հարցերի քննարկմանն անցնելը՝ ԱԺ նախագահ Արարատ Միրզոյանն անդրադարձավ ԱՄՆ Սենատի կողմից Հայոց ցեղասպանության բանաձևի ճանաչմանը։
«Երեկ ԱՄՆ Սենատում տեղի ունեցած պատմական քվեարկությամբ ԱՄՆ-ը ճանաչեց և դատապարտեց 20-րդ դարի ամենասոսկալի իրադարձություններից մեկի, ողջ մարդկության դեմ ուղղված հանցագործության, իրենց հայրենիքում 1․5 մլն հայերի բնաջնջումն Օսմանյան կայսրության կողմից։ Ես ձեր՝ 3 խմբակցությունների անունից ցանկանում եմ ողջունել ԱՄՆ Սենատին, ինչպես նաև դրանից առաջ Կոնգրեսի ներկայացուցիչների պալատի բոլոր գործընկերներին համապատասխանաբար՝ թիվ 150 և 296 բանաձևերի միաձայն ընդունման կապակացությամբ»,- ասաց Արարատ Միրզոյանը։
Նա նկատեց, որ այս կարևոր քվեարկությամբ Միացյալ Նահանգները միացան ցեղասպանությունների կանխարգելմանն ուղղված համաշխարհային շարժմանը։
«Մենք՝ որպես ցեղասպանություն տեսած ժողովրդի ժառանգներ, հանձնառու ենք առաջամարտիկը լինել մարդկության դեմ ուղղված հանցագործությունների կանխմանը, որպեսզի այլևս երբեք մարդկության պատմության մեջ նման ամոթալի էջեր չգրանցվեն»,- ասաց Միրզոյանը։
ՀՀ ԱԺ բոլոր խմբակցությունները հոտնկայս և ծափահարություններով ողջունեցին ԱՄՆ սենատին:
Մանրամասները՝ տեսանյութում։
