08.12.2025 | 13:01
Առաքելական Սուրբ Եկեղեցու «նորոգման ճանապարհային քարտեզ»-ը՝ ըստ Փաշինյանի
Կատալոնիայի անկախության հռչակումը չի հստակեցվել. Պուչդեմոնը Իսպանիայի վարչապետին առաջարկել է հանդիպել ու քննարկել ստեղծված իրավիճակը
Քաղաքականություն
16.10.2017 | 11:11
Կատալոնիայի կառավարության ղեկավար Կառլես Պուչդեմոնը նամակ է գրել Իսպանիայի վարչապետ Մարիանո Ռախոյին, որով առաջարկել էառաջիկա երկու ամսվա ընթացքում հանդիպել՝ քննարկելու տարածաշրջանում տիրող իրավիճակը: Այս մասին հաղորդում է El Mundo-ն, փոխանցում է gazeta.ru-ն:
«Երկխոսության մեր առաջարկը անկեղծ է, չնայած տեղի ունեցածին», – ասված է նամակում:
Նաև նշվում է , որ Պուչդեմոնը նամակում չի հստակեցրել՝ հռչակվել է արդյոք Կատալոնիայի անկախությունը, թե ոչ:
Ավելի վաղ Իսպանիայի կառավարության ղեկավար Մարիանո Ռախոյը հայտարարել էր, որ Կատալոնիայի ղեկավար Կառլես Պուչդեմոնը մինչև հոկտեմբերի 16-ը պետք է հստակեցնի, թե ինչ է նշանակում անկախության հանրաքվեն, որը ստորագրվել է երեքշաբթի երեկոյան տարածաշրջանային իշխանությունների կողմից:
Հիշեցնենք, որ Կատալոնիայի ղեկավարության նախագահ Կառլես Պուչդեմոնը, նրա տեղակալ Օրիոլ Ժունկարեսը և խորհրդարանի խոսնակ Կառմե Ֆորկադելը իրենց ստորագրություններն էին դրել անկախության հռչակագրի ներքո:
Մինչ այդ, սակայն, Կառլես Պուչդեմոնը նահանգի խորհրդարանում ունեցած ելույթի ժամանակ հայտարարել էր, որ հոկտեմբերի 1-ին տեղի ունեցած քվեարկությունը խոսում է այն մասին, որ «Կատալոնիան անկախ պետություն (հանրապետություն) դառնալու իրավունքն ստացել է» և որ ինքն ընդունում է քաղաքացիների մանդատը, որպեսզի Կատալոնիան անկախ պետություն դառնա: Բայց հետո Պուչդեմոնը կոչ էր արել խորհրդարանին է «կասեցնել անկախության հռչակումը, գնալ համաձայնեցված բանակցությունների»: Պուչդեմոնը նաև կոչ էր արել Իսպանիայի կառավարությանը ընդունել միջնորդների գաղափարը՝ Մադրիդի և ժեներալիտետի միջև:
