24.06.2026 | 18:34
Երևանում ավելի քան 5 ամիս փակ կլինի Արին Բերդ փողոցի ճանապարհահատվածներից մեկը
Մադրիդի կամքին հակառակ. Կատալոնիայի ղեկավարները ստորագրել են անկախության հռչակագիրը
Քաղաքականություն
11.10.2017 | 10:42
Կատալոնիայի ղեկավարության նախագահ Կառլես Պուչդեմոնը, նրա տեղակալ Օրիոլ Ժունկարեսը և խորհրդարանի խոսնակ Կառմե Ֆորկադելը իրենց ստորագրություններն են դրել անկախության հռչակագրի ներքո. փոխանցում է ria.ru-ն:
Փաստաթղթի տակ ստորագրել են նաև անկախությանը կողմնակից «Միասին՝ հանուն «այո»-ի» և «Ժողովրդական միասնության թեկնածու» կուսակցությունների պատգամավորները, որոնք խորհրդարանում բացարձակ մեծամասնություն են կազմում. ունեն 72 մանդատ:
Մինչ այդ, սակայն, Կառլես Պուչդեմոնը նահանգի խորհրդարանում ունեցած ելույթի ժամանակ հայտարարել էր, որ հոկտեմբերի 1-ին տեղի ունեցած քվեարկությունը խոսում է այն մասին, որ «Կատալոնիան անկախ պետություն (հանրապետություն) դառնալու իրավունքն ստացել է» և որ ինքն ընդունում է քաղաքացիների մանդատը, որպեսզի Կատալոնիան անկախ պետություն դառնա: Բայց հետո Պուչդեմոնը կոչ էր արել խորհրդարանին է «կասեցնել անկախության հռչակումը, գնալ համաձայնեցված բանակցությունների»: Պուչդեմոնը նաև կոչ էր արել Իսպանիայի կառավարությանը ընդունել միջնորդների գաղափարը՝ Մադրիդի և ժեներալիտետի միջև:
Նշենք նաև, որ այս հայտարարությունից ժամեր առաջ, ամերիկյան Bloomberg գործակալությունը հայտնել էր, որ Իսպանիայի ոստիկանությունը պատրաստ է ձերբակալել Կատալոնիայի նախագահ Կառլես Պուչդեմոնին, եթե նա Կատալոնիայի անկախության մասին հայտարարի խորհրդարանում:
