13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Կոռուպցիոն ռիսկեր չե՞ք տեսնում․ Արման Բաբաջանյանը՝ Գաբրիել Բալայանին. ՏԵՍԱՆՅՈՒԹ
Հասարակություն
12.12.2019 | 18:15
Կա՞ն սահմանված սպորտաձևեր և արդյո՞ք դրանք բացառապես օլիմպիական սպորտաձևեր են: ՀՀ Ազգային ժողովի արտահերթ նիստում «Հայաստանի Հանրապետության Զինված ուժերի կարգապահական կանոնագիրք» ՀՀ օրենքում փոփոխություններ և լրացումներ կատարելու մասին օրենքի նախագիծը երկրորդ ընթերցմամբ և ամբողջությամբ ընդունելու մասին հարցի քննարկման ժամանակ պատգամավոր Արման Բաբաջանյանը հետաքրքրվեց պաշտպանության փոխնախարար Գաբրիել Բալայանից:
Նշենք, որ օրինագծի ընդունման դեպքում ենթադրվում է վերականգնել բանակի մարզական ակումբը և զինվորական ծառայության զորակոչել արդեն իսկ սպորտում հաջողություններ ունեցած այն քաղաքացիներին, որոնք չեն ընդգրկվում նշանակալի նվաճումներ գրանցած քաղաքացիներին տարկետում տալու կարգի շրջանակում:
Գաբրիել Բալայանը պատասխանեց, որ մինչև կառավարությունն այդ պետական հիմնարկը հիմնադրելու լիազորություն չունենա, հնարավոր չի լինի առաջ շարժվել:
«Հիմնականում կարող եմ ասել, որ, ճիշտ նկատեցիք, օլիմպիական մարզաձևերի վրա է շեշտը դրվելու, սակայն չենք բացառում նաև համապատասխան նվաճումների հասած այլ մարզաձևերով ընտրել: Ամբողջը կախված կլինի այն հեռանկարներից, որը կունենա այդ մարզիկը: Համագործակցելու ենք ֆեդերացիաների հետ»,- ասաց փոխնախարարը:
Ի պատասխան՝ Արման Բաբաջանյանն արձագանքեց. «Այդտեղ կոռուպցիոն ռիսկեր չե՞ք տեսնում»:
Մանրամասները՝ տեսանյութում:
