02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Գրենք՝ 91 թիվ, բացառիկ դեպքերում գնալ մինչև 1891 թիվ․ Փաշինյանը՝ Բադասյանին. ՏԵՍԱՆՅՈՒԹ
Հասարակություն
12.12.2019 | 16:12
Կառավարությունում այսօր քննարկվեց «Ապօրինի ծագում ունեցող գույքի բռնագանձման մասին» Հայաստանի Հանրապետության օրենքի նախագծին և հարակից օրենքների նախագծերին հավանություն տալու մասին հարցը։
Արդարադատության նախարար Ռուստամ Բադասյանը նշեց, որ փորձագետների մեծ մասը խորհուրդ է տվել ուսումնասիրությունների ժամկետը սահմանել 10 տարին։ Վարչապետ Նիկոլ Փաշինյանը հետաքրքրվեց, թե ինչո՞ւ է ընտրվել հենց 10 տարին։
«Դե յուրե տեխնիկական առումով խնդիր չունեմ, բայց քաղաքական կոնտեքստ է ստանալու, թե ինչո՞ւ 10 տարի։ Ես, միևնույն է, չեմ հասկանում՝ ինչո՞ւ 10 տարի, եկեք դնենք 1 տարի։ Կա՞ փաստարկ»,- հետաքրքրվեց վարչապետը։
Նախարար Բադասյանը նկատեց, որ փաստարկ չունի, և եթե արդեն չի համոզել, չի համոզի։ Վարչապետ Փաշինյանն էլ ասաց՝ ուրեմն՝ 1991 թիվ, սակայն նախարարը նկատեց, որ այս խմբագրությամբ այդպես գրված չէ։ «Գրենք՝ 91 թիվ, բացառիկ դեպքերում գնալ մինչև 1891 թիվ։ Պայմանավորվենք 91 թիվը»,- կատակեց Փաշինյանը։
Մանրամասները՝ տեսանյութում։
