Քաղաքականություն
12.12.2019 | 13:11
Վրաստանի խորհրդարանում իրավիճակը լարված է։ Լրագրողների մի մասին բռնի ուժով դուրս են բերել նիստերի դահլիճից, որտեղ անց էր կացվում իրավական հարցերի հանձնաժողովի նիստը, գրում է aliq.ge-ն:
Դեպքը տեղի է ունեցել այն ժամանակ, երբ Էկա Բեսելիան մոտեցել է հանձնաժողովի նախագահ Անրի Օխանաշվիլիին՝ ասելով, որ իրեն ելույթի իրավունք տա, այլապես նա հանձնաժողովի նիստին չի մասնակցի: Այդ պահին լրատվամիջոցների ներկայացուցիչները փորձել են մասնակցել նրանց խոսակցությանը, ինչից հետո էլ իրավապահները լրագրողներին դուրս են բերել դահլիճից:
Հիշեցնենք, որ վաղ առավոտից ընդդիմությունը փորձում է արգելափակել խորհրդարանի մուտքերը: Այսօր խորհրդարանը քվեարկելու էր ընդդիմադիր պատգամավոր Նիկա Մելիայի իրավասությունները դարարեցնելու վերաբերյալ: Գործընթացային հարցերի հանձնաժողովը Մելիայի իրավասությունների դադարեցմանը միաձայն կողմ էր քվեարկել: Նիստին ներկա են եղել միայն խորհրդարանական մեծամասնության անդամներ: Դեռևս պարզ չէ, թե երբ է հարցը քննարկվելու խորհրդարանի լիագումար նիստում:
