03.10.2026 | 14:09
Արծվանիկի պոչամբարի պատվարը կբարձրացվի նոր մեթոդով
Եթե եկամուտների աճ ունենք, ինչո՞ւ ենք ավելացնում արտաքին պարտքը․ Տիգրան Ուրիխանյան. ՏԵՍԱՆՅՈՒԹ
Տնտեսություն
12.12.2019 | 12:03
Եթե չեմ սխալվում, բյուջեի դեֆիցիտը կանխատեսվել է 180 մլրդ-ից ավելիի չափով, և սա նշանակում է, որ ճիշտ այդքան գումար, եթե չլինեն վարկերը, եթե պետությունը պարտք չվերցնի, այդքան գումար չի բավարարի պետական կարիքները հոգալու համար: Պետբյուջեի դեֆիցիտը ֆինանսավորելու համար 4 վարկային համաձայնագրի վավերացման հարցի քննարկման ժամանակ ասաց ԱԺ «Բարգավաճ Հայաստան» խմբակցության պատգամավոր Տիգրան Ուրիխանյանը:
«Բայց այն պարագայում, երբ տնտեսությունն աճում է, աճի տեմպեր են արձանագրվում, բյուջեն մեծանում է, հավելյալ մուտքեր են ապահովվում և կանխատեսվում, ո՞րն է պատճառն ի սկզբանե դեֆիցիտ արձանագրելու և արտաքին պարտք վերցնելու՝ այն լրացնելու համար»,- ֆինանսների փոխնախարարին հարց ուղղեց պատգամավորը:
Արմեն Հայրապետյանը հաստատեց, որ ունեցել ենք հարկային եկամուտների ավելի՝ 62 մլրդ-ի հնարավորություն, բայց այդ ամբողջ գումարը ծրագրավորվել է ծախսերով իրականացնել:
«Հետևաբար, դեֆիցիտի մասով մեր ֆինանսական պահանջը մնացել է նույնը»,- նշեց փոխնախարարը:
Մանրամասները՝ տեսանյութում:
