12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
«Ցիրկը շարունակվում ա». Սամվել Բաբայանը՝ դատավորին
Հասարակություն
12.12.2019 | 10:52
Երևանի ընդհանուր իրավասության դատարանի Կենտրոնի նստավայրում Գագիկ Պողոսյանի նախագահությամբ շարունակվում է ԼՂՀ ՊԲ նախկին հրամանատար Սամվել Բաբայանի գործով դատական նիստը։ Դատավոր Գագիկ Պողոսյանը ամբաստանյալներից հետաքրքրվեց, թե ինչ դիրքորոշում ունեն առաջադրված մեղադրանքի վերաբերյալ։ Դատավորի հարցին ի պատասխան՝ 3 ամբաստանյալներն էլ ասացին, որ իրենց համար առաջադրված մեղադրանքը հասկանալի չէ: «Դուք որ իմանայիք շառ են անում կընդունե՞իք. Սերոժի պատվերն է»,- ասաց ամբաստանյալ Սանասար Գաբրիելյանը։
Որից հետո հայտարարությամբ հանդես եկավ նաև ամբաստանյալ Սամվել Բաբայանը՝ ասելով, որ «ցիրկը շարունակվում է». «Ձայնագրություններից պարզ երևում է, որ ես ասում եմ դա տռուբա է։ Հասկանալի է մեղադրանքը, բայց քանի որ վերևից ներքև մեղադրանքը սուտ է, այն չեմ ընդունում։ Ցիրկը շարունակվում է պարզ երևում է ձեր դիրքորոշումը, պետք է գործին ծանոթանալուց անմիջապես հետո այն կարճեիք, բայց չեք կարճել»։
Նշենք, որ մինչև ամբաստանյալների հայտարարությունները, դատարանը խնդրեց ոտքի կանգնել Սամվել Բաբայանին, ում հետ հավասար ոտքի կագնենց նաև իր պաշտպանը՝ Արամ Ղլեչյանը։ Դատարանը նրան հորդորեց նստել՝ ասելով, որ ինքը հարցեր ունի միայն ամբաստանյալին։ Պաշտպանն էլ պատճառաբանեց, որ մեջքը ցավում է, և չի կարող անընդհատ վեր կենալ, նստել։ Դատարանը կրկին հորդորեց նստել, պաշպտանը կրկին չնստեց, ի վերջո, Սամվել Բաբայանի խնդրանքից հետո միայն պաշտպանը զբաղեցրեց իր տեղը։
Դատարանը որոշեց սկզբում հետազոտել գործով առկա ապացույցները, հետո առանձնացված գործով ամբաստանյալ Հրաչյա Մաիլյանին հարցաքննել, այնուհետև այս գործով ամբաստանյալներին։ Այս պահին ուսումնասիրվում են գործում առկա ապացույցները։
Լիլիթ Շաբոյան
