05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Դատավոր Գագիկ Պողոսյանը առանց պատճառի լրագրողներին արգելեց նկարահանել Սամվել Բաբայանի գործով նիստը
Հասարակություն
12.12.2019 | 10:20
Երևանի ընդհանուր իրավասության դատարանի Կենտրոնի նստավայրում ընթանում է ԼՂՀ ՊԲ նախկին հրամանատար Սամվել Բաբայանի և մյուսների գործով դատական նիստը։
Նիստը նախագահող դատավոր Գագիկ Պողոսյանը լրատվամիջոցներին հորդորեց նկարահանել նիստի միայն առաջին տասը րոպեն։ Factor.am-ը դատարանին տեղեկացրեց, որ ուղիղ հեռարձակում է իրականացնում և խնդրեց թույլատրել շարունակել նկարահանումը, դատարանը, սակայն, մերժեց։
Սամվել Բաբայանի պաշտպան Արամ Ղլեչյանը հանդես եկավ նիստի նկարահանումը թույլատրելու միջնորդությամբ։ Դատախազ Արամ Արամյանն ասաց, թե կարծիք չունի և ըստ էության, համաձայնեց դատավորի հետ, որ նիստը նկարահանվի միայն տասը րոպե։
Դատարանը մերժեց պաշտպանի միջնորդությունը և լրատվամիջոցներին դուրս հրավիրեց, երբ պաշտպան Ղլեչյանը պահանջեց պատճառաբանել որոշումը՝ դատարանը միայն ասաց, որ դա իր որոշելիքն է։
Դատական նիստը շարունակվում է։
Լիլիթ Շաբոյան
