12.08.2026 | 19:06
Զելենսկին շնորհավորել է Փաշինյանին
Նազիկ Ամիրյանի պաշտպանը դատավորին ինքնաբացարկի միջնորդություն ներկայացրեց. ՏԵՍԱՆՅՈՒԹ
Հասարակություն
10.12.2019 | 15:01
Երևանի ընդհանուր իրավասության դատարանի Կենտրոնի նստավայրում ընթանում է գեներալ Մանվել Գրիգորյանին կնոջ՝ Նազիկ Ամիրյանի գործով դատական նիստը: Այս գործը, հիշեցնենք, դատարանի որոշմամբ անջատվեց Մանվել Գրիգորյանի գործից:
Նախքան դատարանը կանցներ ապացույցների հետազոտման փուլին՝ Նազիկ Ամիրյանի պաշտպանը հանդես եկավ դատավորին ինքնաբացարկի միջնորդությամբ: Պաշտպան Գուրգեն Գրիգորյանը դատավոր Մնացական Մարտիրոսյանին ինքնաբացարկ ներկայացնելիս ասաց, որ նա անաչառ դատավոր չէ: Որպես հիմք նա ներկայացրեց այն հանգամանքը, որ Մանվել Գրիգորյանի գործից անջատվել է Ամիրյանի գործը, ինչը, պաշտպանի պնդմամբ, ապօրինի որոշում է եղել:
Հիշեցնենք, որ Նազիկ Ամիրյանին մեղադրանք է առաջադրվել այն բանի համար, որ նա ապօրինի կերպով՝ «Զենքի մասին» ՀՀ օրենքով նախատեսված սահմանափակումների շրջանցմամբ, ամուսնու՝ Մանվել Գրիգորյանի, որդու՝ Արման Գրիգորյանի և քննությամբ չպարզված այլ անձանց հետ նախնական համաձայնությամբ, ապօրինի կերպով ձեռք են բերել, փոխադրել և իրենց պատկանող երեք տներում ապօրինի կերպով պահել հրազեն, ռազմամթերք, ակոսափող հրազենի փամփուշտներ, պայթուցիկ նյութեր,ինչպես նաև կատարել է տարբեր տեսակի հափշտակություններ։ Նազիկ Ամիրյանի նկատմամբ խափանման միջոց է ընտրվել ստորագրությունը չհեռանալու մասին։
Մանրամասները տեսանյութում:
Լիլիթ Շաբոյան
